دەوڵەتى تورکیای داگیرکەر سەرەتاى مانگى ئەیلول ٩ هاووڵاتیى رفاندبوو و دواتر رایگەیاندبوو، ئەو کەسانە  "شەرڤانى یەپەگەن"، بەڵام ئێستا ئاشکرا بووە ئەو کەسانە لەلایەن دەوڵەتى تورکیاى داگیرکەر تورکیاوە رفێنراون هاووڵاتییانى گوندی ئۆمەرا-ن لە ناوچەى ماباتای عەفرین.

دەوڵەتى تورکیاى داگیرکەر سەرەتاى مانگى ئەیلول لە عەفرین رایگەیاندبوو، ٩ شەڕڤانى یەپەگەى لە عەفرین دەستگیرکردووە. لە میدیاکانى خۆیدا دەستگیرکردنى ئەو ٩ کەسەى وەک هەواڵە بە بەپەلە بڵاوکردەوە و وێنەى کەسە دەستگیرکراوەکانى پەیتاپەیتا بڵاودەکردەوە.

فەرماندەیى یەپەگە هەر دواى ئەوەى دەوڵەتى تورکیا راگەیاندبوو، ٩ شەڕڤانى یەپەگەى لە عەفرین دەستگیرکردووە راگەیاندراوێکى بڵاوکردەوە و لە راگەیاندراوەکەدا ئەوەى خستبووە روو، کە کەسە رفێنراوەکان هاووڵاتیی مەدەنین و هیچ پەیوەندییەکانى بە هێزەکانیانەوە  نییە.

ئێستاش ئەوە ئاشکرا بوو ئەو هاووڵاتییە رفێنراوانە خەڵکى گوندی ئۆمەرا-ن لە ناوچەى ماباتای عەفرین و هیچ پەیوەندییەکیان بە یەپەگەوە نییە.

ناسنامەى ئەو ٩ هاووڵاتییەى کە لەلایەن تورکیاوە رفێنراون بەمشێوەیەى خوارەوەیە:

١ - فیراس فایەق کەلکاوی،  ٢ – حەمودی خلوسی جەعفەر، ٣ – ئیبش محەمەد محۆ، ٤ – مەسعود مەجید کەلکاوی، ٥ – جەنگیز موستەفا نەعسان، ٦ – ئەحمەد محەمەد ئیبش، ٧ – رەشید سەبری محۆ، ٨ – ئیدریس موستەفا نەعسان، ٩ – حسێن ئەحمەد کەلکاوی.

ر.م

https://anfsorani.com/%DA%95%DB%86%DA%98%D8%A6%D8%A7%D9%88%D8%A7-%D9%88-%D8%B3%D9%88%D9%88%D8%B1%DB%8C%D8%A7/%DB%8C%DB%95%D9%BE%DB%95%DA%AF%DB%95-%D8%A6%DB%95%D9%88%D9%87%DB%95%D9%88%D8%A7%DA%B5%D8%A7%D9%86%DB%95%DB%8C-%DA%A9%DB%95-%D9%85%DB%8C%D8%AA-%DB%8C-%D8%AA%D9%88%D8%B1%DA%A9%DB%8C%D8%A7-%D8%A8%DA%B5%D8%A7%D9%88%DB%8C-%D8%AF%DB%95%DA%A9%D8%A7%D8%AA%DB%95%D9%88%DB%95-%D8%AF%D9%88%D9%88%D8%B1%D9%86-%D9%84%DB%95-%DA%95%D8%A7%D8%B3%D8%AA-5411