٢٢ی تشرینی یەکەمی ٢٠١٩ ئەنجومەنی کانتۆنی گرێ سپی و بەڕێوەبەرایەتی مەدەنی ڕەقا کەمپی گرێ سپییان کردەوە و پێشوازیان لە ئاوارەکانی گرێ سپی و دەوروبەری کرد.

لە ئێستادا ژمارەی کۆچبەران لە کەمپەکە گەیشتووەتە ٤ هەزار و ١٠٠ کەس.

مانگی سووری کوردی ١٠٠ خێمەی تری بۆ ئاوارەکان جێبەجێ کردووە و ژمارەی خێمەکان گەیشتووەتە ٢٠٠ خێمە . هەروەها کەلوپەل و خواردنیشیان بۆ دابین کراوە.

فادیە شەریف هاوسەرۆکی کەمپی گرێ سپی ڕایگەیاند، جگە لە مانگی سووری کورد هیچ لایەنێک هاوکاری ئاوارەکان ناکات و وتی، ڕۆژانە نزیکەی ١٥ بۆ ١٠ خانەوادە ڕوودەکەنە کەمپەکە و ژمارەی ئاوارەکان لە زیادبووندایە.

ف.ق