نوێنەرانی دەزگا کوردستانیەکان لە شاری کۆڵنی ئەڵمانیا کۆبونەوە و لەدژی هێرشی داگیرکەری دەوڵەتی تورک بریاریاندا پێکەوە بجوڵێنەوە و مێزی قەیران دروست بکەن.

مێزی قەیران بۆ وەستانەوە لەبەرانبەر داگیرکەری دروستکرا و هەر دەزگایەک نوێنەرێکی لە مێزی قەیراندا دەبێت.

یوکسەک کۆچ هاوسەرۆکی کەجەدەکە – ئە، لە کۆبونەوەکەدا قسەی کرد و رایگەیاند، تورکی داگیرکەر بە تەنها لەدژی پەکەکە نییە، لەدژی هەموو کوردێکە و باسی ئەوەی کرد، ئەگەر کورد پێکەوە بجوڵێتەوە، دەتوانێت لەدژی داگیرکەری بوەستێتەوە.

کۆچ باسی ئەوەی کرد، رۆشنبیران و نوسەران، دەزگا و هونەرمەندان و سیاسەتمەداران دەتوانن ئەرکی سەرشانی خۆیان بە باشی جێبەجێ بکەن و بانگەوازی ئاڕاستەی ئەو چین و توێژانە کرد کە لەدژی داگیرکەری تورک بوەستنەوە و بەرپرسیاری خۆیان جێبەجێ بکەن.

لە کۆبونەوەکەدا ئەەوەشخرایەڕوو کە داگیرکەری لەدژی هەموو کوردێکە و ئامانج لێی قڕکردنی گەلی کوردە.

لە کۆبونەوەکەدا بڕیاردرا، لە زۆر وڵاتی ئەوروپا و تورکیا لەدژی ئۆپەڕاسیۆنەکان دەوڵەتی داگیرکەری تورک چالاکی ئەنجام بدرێت.

ف.ق