محەمەد بۆزگەییک هاوسەرۆکی کۆنفیدراسیۆنی سەندیکاکانی رەنجدەری و جەماوەری (کەسک) بۆ ئاژانسی فورات (ANF) قسەی کرد و وتی، لە تورکیا هیچ بودجەیەک بۆ رەنجدەران و کرێکاران تەرخان ناکرێت و ئاماژەی بە سیاسەتی شەڕی دەسەڵاتی تورکدا. بۆزگەییک وتیشی، یەکێک لە هۆکارەکانی قەیرانی ئابوری، شەڕ و سیاسەتی ئیمپریالیە و بۆ ئەوەی زەمینەیەک بۆ ئاشتی و دیموکراسی دروست بکرێت، پێویستە تێبکۆشین.

بۆزگەییک رایگەیاند، لە تورکیا قەیرانێکی گشتی هەیە و پێویستە زەمینەی دیموکراسی بەهێز بکرێت.

بۆزگەییک وتی، "هۆکاری پرۆسەی گێژاو کە وەک قەیرانی تەندروستی، قەیرانی ئابوری، قەیرانی کۆمەڵایەتی و هەمەلایەن بەردەوامە، بەهۆی سیاسەتی میلیتاریستی ئیمپریال، نەئۆلیبەرال و لایەنگری شەڕەوەیە. لە تورکیا ئاسایشی کۆمەڵایەتی لاواز بووە. بۆ ئەوەی ئەم قەیرانی ئابوری و کۆمەڵایەتیە کۆتایی پێبهێنرێت، پێویستە لە ترکیا زەمینەی دیموکراسی سەرلەنوێ دروست بکرێت پەیمانێکی نێونەتەوەیی بۆ گەشکردنی تێکۆشان ئەنجامبدرێت.

هەروەها ئاماژەی بەوەکرد، جگە لە قەیرانی ئابوری لە کوردستان، فشار و کردەوەی فاشیستانەش بەردەوامە و وتی، "تا قەیرانی سیاسی هەبێت ئابوریش باش نابێت."

بۆزگەییک وتی، "سیاسەتی فشار و شەر لەسەر ژیانی رۆژانە کاریگەری دروست کردووە. دوای هەوڵی کوردەتای ١٥ی تەموز، لەگەڵ قۆناغی دۆخی نائاسایی کە ٢٠ی تەموزی ٢٠١٦ راگەیەنرا، بە تایبەتی لە شارە کوردیەکان، لەدژی رەنجدەران سیاسەتی فشار زیاترکرا. دوای ئەوەی قەیومیان لە شارەوانیەکان دامەزراند، بە هەزاران، کرێکار، مافپەروەر و رەنجدەری جەماوەری لە کارەکانیان دوورخرانەوە. لەدژی سیاسەتی دیموکراتی، بەڕێوەبەری هەرێمی، لەدژی دەزگاکانی ژنان، منداڵان و گەنجان، سیاسەتی فشار و فاشیست هەیە. هۆکاری سەرەکی ئەمەش، سیاسەتی ئیمپریالی ئاکەپەیە لە رۆژهەڵاتی ناوەڕاست، ئاسیا و قەفقاز کە دەیەوێت سیاسەتی عوسمانی بەڕێوەببات کە لەسەر سەنتێزی ئیسلامی تورک دروست کراوە. هۆکاری ئەم دۆخەی کە هەرێمەکەمانی تێدایە، سیاسەتی شەڕە. بە تایبەتی لە سوریا سیاسەتی شەڕ لە ماوەی ١٢ ساڵی رابردوودا ئەم دۆخەی خوڵقاندووە. دەبینرێت کە لە تورکیا، قایمقام، دەزگاکان و بانکەکان هەر یەکەو سیاسەتێک بەڕێوەدەبەن. ئەگەر ئەم سیاسەتەی عوسمانی، تورک – ئیسلامی میلیگەری و شەڕ کۆتایی پێنەهێنرێت. لە تورکیا قەیرانی ئابوری و سیاسی چارەسەر نابن و هەموو کەسێک بە شێوەیەکی سروشتی لە گێژاوەکە بەشی خۆی وەردەگرێت."

ف.ق