چالاکیی دانیشتن لە شاری ستراسبورگی فەرەنسا کە لە ١٢ی تشرینی یەکەمدا لە لایەن تەژەکە-ئەوروپا و کەجەدەکە-ئەوروپاوە بۆ ئازادی عەبدولا ئۆجالان رێبەری گەلی دەستیان پێکردووە، لە هەفتەی کۆتاییدایە.

هەفتەی کۆتایی چالاکیەکە لە لایەن بزوتنەوەی گەنجانی شۆڕشگێر و تێکۆ-ژنەوە بەڕێوە دەچێت.

'ئۆجالان ژیانی جێگرەوەی دەستیشان کرد'

لە چوارچێوە چلاکیەکەی ئەمڕۆدا، گەنجان لە بارەی هەنگاوی 'گۆشەگیری، داگیرکەری و فاشیزم بەسە، بە یەکەوە راپەڕین' سەمینەرێکیان رێکخست. فرات دڵسۆز لە سەمینەرەکەدا قسەی کرد و رایگەیاند، ئەو هەنگاوەی دەستیان پێکردووە، لە دژی مۆدێرنیتەی کاپیتالیست بۆ بونیادنانی مۆدێرنیتەی دیمۆکراتیکە.

دڵسۆز رایگەیاند، کاپیتالیزم ژیان لەناو دەبات و فەلسەفە و ئایدۆلۆژیای عەبدولا ئۆجالان رێبەری گەلی کورد ژیانێکی جێگرەوەی دەستنیشان کرد و تیشکیشی خستەسەر گۆشەگیری سەر عەبدولا ئۆجالان رێبەری گەلی کورد و وتی:"ئەم گۆشەگیریە بە واتای هێرشکردنە سەر مۆدێرنیتەی دیمۆکراتیک و کۆنفیدرالیزمی دیمۆکراتیکە.

چاوەڕوان دەکرێت چالاکیەکەی ٢٨ی تشرینی یەکەم بە شێوەیەکی بەرفراوان بەڕێوە بچێت

چالاکیەکە تا کۆتایی ئەم هەفتەیە بەردەوام دەبێت و چاوەڕوان دەکرێت چالاکیەکەی ٢٨ی تشرینی یەکەم بە شێوەیەکی بەرفراوان بەڕێوە بچێت و رۆژی هەینی کاتژمێر ١٣:٠٠ش رێپێوانێکی بەرفراوان لە گۆڕەپانی کلەبەرەوە دەستپێبکات و لە بەردەم باڵەخانەی کۆنسەی ئەوروپا کۆتایی پێبێت. گەنجان بانگیان لە گەلی کورد و دۆستانیان کرد کە بەشداری ئەو چالاکیە ببن.

بڕیار وایە لە چالاکیەکەی رۆژی چوارشەممەدا وەزیری کۆمەڵایەتی و تەندروستی ئیزلەندا، سەرۆکی وەقفی غاندهی لە ئەفریقای باشور و بەپرسی پەیوەندیە نێودەوڵەتیەکانی سەندیکای ئینگلیز بەشدار ببن و وتە پێشکەش بکەن.

ز.ش