کۆمەڵەی هاوکاری و پشتیوانی بنەماڵەی زیندانیان و حکومدراوانی مەڕمەڕە (مەتوای_دەر) و خزمی زیندانیان بە داخوازی ئازادی جەستەیی ڕێبەری گەلی کورد عەبدوڵا ئۆجالان و هەڵگرتنی گۆشەگیری و چارەسەری دیموکراتیکی پرسی کورد، چالاکیی "دەنگت بخەپاڵ ئازادی"ـیان دەست پێ کرد. لەم چوارچێوەیەدا لەبەردەم زیندانی ژنانی باکرکۆی ئیستەنبوڵ چالاکی ئەنجامدرا. چەندین هاوڵاتی بەشداربوون. لە چالاکییەکەدا پانکارتی "بۆ ئاشتی کۆمەڵایەتی و هەڵگرتنی گۆشەگیری دەنگت بخەپاڵ ئازادی" هەڵگیرا و بەشداربووان یەلەکی "دەنگت بخەپاڵ ئازادی"یان پۆشی.

هاوسەرۆکی (مەتوای-دەر) سۆنمەز دەمیر لە چالاکییەکەدا گوتی: "تا ناهەقی و نادادییەکان لە زیندانەکان کۆتایی دێت، درێژە بە چالاکیی "دەنگت بخەپاڵ ئازادی" دەدەین".  

دواتر چالاکیی دانیشتن ئەنجامدرا. درووشمی "بژی بەرخۆدانی زیندان" و "زیندانیانی سیاسی شكۆی ئێمەن" و "گۆشەگیری تاوانێکی دژی مرۆڤایەتییە" و "شکۆی مرۆڤایەتی ئەشکەنجە تێکدەشکێنێت" بەرزکرایەوە.

چالاکییەکە بە چەپڵە و هەلهەلە کۆتایی هات.