ئازادکردنی زیندانی نەخۆش یڵماز چەرچەل کە تا ئێستا لە زیندانی ئەسکی شەهیر ڕاگیراوە، سەرەڕای تانەدانەکان دوادەخرێت.

چەرچەل لە ١٧ی ئاداری ١٩٩٣ لە ناوچەی فارقینی ئامەد بە برینداری دەستبەسەر و دوای نەشتەرگەری رەوانەی دادگا کرا و بە تۆمەتی 'تێکدانی یەکڕیزی و یەکپارچەبوونی دەوڵەت' سزای زیندانی هەتاهەتایی بەسەردا سەپێندرا.

چەرچەل ساڵانێکی زۆر لە زیندانەکانی ئامەد و بارتین ڕاگیراوە، هەروەها بەشێوەیەکی کاتی لە نەخۆشخانەی دەروونی باکرکۆی لە ژێڕ چاودێریدا بووە. پزیشکەکان رایانگەیاند چەرچەل تووشی نەخۆشی ئیسکیزوفرنی بووە و لە ساڵی ٢٠٠٠ سزاکەی دواخرا، بەڵام دوای دوو ساڵ سزاکەی سەپێنرایەوە و چەرچەل جارێکی تر زیندان کرایەوە. ئێستا سەرەڕای نەخۆشی قورسی ئازادکردنەکەی بەشێوەیەکی هەڕەمەکی دوادەخرێت.