کۆمەڵەی ڕۆژنامەنووسانی دیجلە-فورات سەبارەت بە پێشێلکارییەکانی مافی ڕۆژنامەنووسان لە مانگی شوباتدا ڕاپۆرتی خۆی بڵاوکردەوە. بەگوێرەی ڕاپۆرتەکە، پێشێلکارییەکانی مافی ڕۆژنامەنووسان لە مانگی شوباتدا بەردەوام بووە.

 بە گوێرەی ڕاپۆرتەکە:

• ڕۆژنامەنووسێک دەستگیرکرا.
• ٧ ڕۆژنامەنووس بەسەر ماڵیاندا دراوە و دەستگیر کراون.
• ١٨ڕۆژنامەنووس دەستبەسەر و لەم ژمارەیە ٨ ڕۆژنامەنووسیان دەستگیرکراون.
• ٨ ڕۆژنامەنووس هەڵسوکەوتی خراپیان بەرانبەر کراوە، ٣ ڕۆژنامەنووس ڕووبەڕووی هەڕەشە بوونەتەوە.
• کاری بەدواداچوون و ڕۆژنامەوانی بۆ ٨ ڕۆژنامەنووس ئاستەنگ کراوە.
• لە دژی ٨ ڕۆژنامەنووس لێکۆڵینەوە و لە دژیان دۆسیە کراوتەوە.
• بە گشتی بۆ ٤ ڕۆژنامەنووس ٤ساڵ و ١١مانگ سزای زیندان سەپێندراوە.
• لە ٢٦ دۆسیەدا ٣٠ ڕۆژنامەنووس دادگایی دەکرێن.

جێی ئاماژەیە تا کۆتایی مانگی شوبات ژمارەی ڕۆژنامەنووسانی زیندانیکراو گەیشتبووە ٤٢ ڕۆژنامەنووس.

هەروەها لە هێرشەکانی دەوڵەتی تورک بۆ سەر باکوور و ڕۆژهەڵاتی سووریا بە تایبەت بەنداوی تشرین، لە هێڕشێکدا لە ١٥ی شوبات ڕۆژنامەنووس عەگید ڕۆژ شەهید کرا، هەتا ئێستا لە ٦ مانگی کۆتاییدا بە هۆی هێرشەکانی دەوڵەتی تورکەوە ٦ ڕۆژنامە نووس شەهید  کراون.