چالاکوانان لە چالاکییەکەیاندا سەرنجیان راکێشایە سەر گۆشەگیریی قورسی سەر عەبدوڵا ئۆجالان رێبەری گەلی کورد لەلایەن دەوڵەتی فاشیستی تورکەوە. گەنجان لە رێپێوانەکەیاندا پۆستەرێک کە لەسەری نووسرابوو "ئازادی بۆ ئۆجالان" بەرز کردبووە و دروشمەکانی "بژی سەرۆک ئاپۆ"، "ئازادی بۆ ئۆجالان"، "پێکەوە راپەڕین" و "فاشیست ئەردۆغان"یان دەوتەوە.

گەنجان رایانگەیاند، گۆشەگیرکردنی ئۆجالان گۆشەگیرکردنی گەلی کوردە لە هەر چوار لای جیهانەوە و راشیانگەیاند، تاوەکو رێبەری گەلی کورد لە رووی جەستەییەوە ئازاد نەکرێت لە گۆڕەپانەکان دەبن و بەردەوام دەبن لە چالاکییەکانیان.

گەنجان لەو چوارچێوەیەدا داوایان لە گەنجان و کوردستانیان کرد، کە لە دەوری هەڵمەتی "پێکەوە راپەڕین" کۆ ببنەوە.

هەروەها گەنجان دوای رێپێوانەکەیان پۆستەرێکی گەورەیان لەسەر شەقامی سەرەکیی ڤیلەر هەڵواسی کە لەسەری نووسرابوو "ئازادی بۆ ئۆجالان".

ژ.ت