بە ئامانجی ئازادی عەبدوڵلا ئۆجالان ڕێبەری گەلی کورد، ٢ی نیسان لە شاری دویسبورگی ئەڵمانیا، تەڤگەری گەنجانی کورد (تەجەشە) و تەکۆ – ژن، ڕێپێوانێک ئەنجام دەدەن.

بانگەوازی بۆ بەشداریکردن کرا و راگەیەنرا کە ڕێپێوانەکە لە دویسبورگ ئەنجام دەدرێت.

گەنجان لە راگەیەنراوێکدا باسی ئەوەیان کرد کە لەگەڵ ئەوەی ڕێپێوانەکە لە دویسبورگ دەبێت، هەروەها لە کۆڵن، دۆرموند، دۆسەلدۆڵف و مونستیر گەنجان بەشداری تێدا دەکەن.

ڕێکخەرانی ڕێپێوانەکە باسی ئەوەیان کرد کە کاتی ئەوەیە حساب لە دەوڵەتی فاشیست و قڕکەری تورک بپرسن و داگیرکەری و فاشیزم لە هەر کوێ بێت، گەنجانی کوردستان لەوێ دەبن و تاوەکو سەرکەوتن تێدەکۆشن."

هەروەها داوایان لە هەموو گەنجانی کوردستان و دۆستەکانیان کرد کە ٢ی نیسان کاتژمێر ١٥:٠٠ لە بەردەم وێستگەی شەمەندەفەری دویسبورگ ئامادە بن و بەشداری لە ڕێپێوانەکەدا بکەن.

ف.ق