چالاکوانانی بزووتنەوەى گەنجانی شۆڕشگێڕ لە دژی هەڕەشە و هێرشی چاوەڕوانکراوی عێراق بۆ سەر خەڵکی شەنگال لە شاری مارسیلیای فەرەنسا رێپێوانێکیان ئەنجامدا.

گەنجان لە چالاکییەکەیاندا وێنەکانی عەبدوڵا ئۆجالان رێبەری گەلی کورد و ئاڵاکانی پەکەکەیان بەرزکردەوە و دروشمەکانی "بژی بەرخودانی شەنگال"، "بژی سەرۆک ئاپۆ" و "ئازادی بۆ ئۆجالان"یان بە زمانەکانی کوردی و فەرەنسی دەوتەوە.

هەروەها گەنجان مەشخەڵیان بەرزکردبووە و لە گۆڕەپانی بیلە دی مای تاوەکو بەردەم ناوەندی کۆمەڵگەى دیموکراتیکی کورد رێپێوانیان ئەنجامدا و دوای رێپێوانەکەیان راگەیاندراویان خوێندەوە.

چالاکییەکە لە چوارچێوەی هەڵمەتی "گۆشەگیری، فاشیزم و داگیرکەری بەسە، پێکەوە راپەڕین" ئەنجامدرا و بە وتنەوەى دروشم کۆتایی پێھات.

ژ.ت