گەنجانی توڕە لە لە ناوەندی تاران دا هێرشیان کردووەتە سەر دوو ئۆتۆمبێلی پۆلیس. لە نیوەڕۆی دوێنێوە ناڕەزایەتییەکان لە تاران شانبەشانی مانگرتنی سەرتاسەری لە رۆژهەڵاتی کوردستان دەستیپێکردووە.
بەپێی سەرچاوەکانی ئاژانسی هەواڵی فورات (ANF)، دوێنێ گەنجانی توڕە و ناڕازی لە کاتژمێر ١٣:٣٠ بە کاتی تاران هێرشیان کردووەتە سەر دوو ئۆتۆمبێلی پۆلیسی ئیرشاد و یەکێک لە ئۆتۆمبێلەکانیان سوتاندووە و زیانی زۆریشیان بە ئۆتۆمبێلەکەى تری پۆلیس گەیاندووە.
هەروەها دوای نیوەڕۆی دوێنێ ناڕەزایەتی و گردبوونەوە لە چەندین شوێنی تاران لەوانە گۆڕەپانی ئاڕژانتین، بولڤاری کەشاوەرز، فولکەى دووەمی سادقیە و شەقامی حیجیاب بەڕێوەچوون.
ژ.ت
