پۆلیسەکان ئەم بەیانییە هەڵیانکوتایە سەر بینای ڕێکخستنی دەم پارتی ناوچەی ئەسەنیورتی ئیستەنبوڵ، پاش پشکنین، بەڕێوەبەرایەتی پۆلیسی ئیستەنبوڵ بۆ ئیفادەوەرگرتن بانگی هەردوو هاوسەرۆکی ناوچەکە ڕۆژدا یەڵماز و عەبدوڵا ئارینانی کرد.

پاش ئەوەی ڕۆژدا یەڵماز و عەبدوڵا ئارینان چوونە بەڕێوەبەرایەتی پۆلیس، لەوێ دەستبەسەرکران. هاوکات پۆلیسەکان کاتژمێر ١٥:٣٠ ماڵی هەردوو هاوسەرۆکەکەیان پشکنی.

زانراوە دەربارەی هاوسەرۆکەکان بڕیاردراوە کە بۆ ماوەی ٢٤ کاتژمێر ناتوانن لەگەڵ پارێزەرەکانیان کۆببنەوە.