ڕێکوزیاو مافەکا مرۆڤو عەفرین-سوریای ئەرەیاوناش کە چەتەکۍ "پۆلیسی سەروازی" سەر بە دۆڵەتو ئەرەگیرو تورکی۲ ی ئۆکتۆبەرو ئێساڵی هاموڵاتیێشا بە نامێ جیهان بەکر عەلۆی (٣٥ ساڵ)ی و هامژینەکێشا بە نامێ جەودەت کێنجۆیۍ (٣٥)ساڵانۍ بڕفانێنۍ.

 بەپاو ڕێکوزیاکەو چەتەکا سەرو داواو میتی جیهانی بەرا پەی زینانو ڕایەی و جەودەتۍ فاڕاوە پەی زینانو عەزازی. هەر بەپاو ڕێکوزیاکەی جەندرمەکۍ تورکی ڕۆو جومعەی (۱۵و نۆۋەمبەری) هاموڵاتیێ بە نامێ ڕێبەر حەسەن ڕەشیدی (٣٤ ساڵ)ی جە دەگاو کاخیرەو شارو ماباتای، مسەفا ئەحمەد (٤٢ ساڵ) و ئەنوەر محمەد عەلی (٤٠ ساڵ) جە ناوچەو بادینانی ڕاجۆی و ٤ کەسێ حەلەبەنە کاتێ گەرەکشا بییەن سنورو تورکیای ۋېیەرنا، بڕفانیێنۍ.  ڕێکوزیاکە ئەرەیاوناش جەندرمەکێ پەی ئازادکەردەو زینانییەکا داواو فیدیەیشا جە بنەیانەکاشا کەردەن. هەرپاسە ئەرەیاویا کە چەتەکۍ ئەلعەمشاتی و حەمزاتی ٢٥ دار زەیتونۍ و ٥ دار سنۆبەرۍ هاموڵاتیا دەگاو قەرەتەپەی شەرایشا بڕیێنێوە. 

 هەرپاسە زانیان کە چەتەکۍ ٧ دارۍ زەیتونۍ هاموڵاتیێشا بە نامێ خەلیل حەسۆی بڕیێنێوە.