جە چوارچێوەو چالاکییەکا ٢٥و نۊۋەمبەرینە ڕۆو جەهانی وەرەنگاربییەیۆ تنوتیژی دژو ژەنانە بە سەرمەشقایەتی کۆنگرە ستاری جە ناوەندو کلتور و هونەری باقی خدۆینە جە کۆبانێ گلێرۆبیەی سازکریا.

گلێرۆبیەکەی، کە بە بەشداری دەیان ژەنا و پیایا لواڕاوە، جە دووی بەشا پێکئامابێ. جە تەوەرو یوەمینە دەورو ژەنا  دلێ گلێرگەینە و دەسەڵاتی و بابەتی دووەمیچ دەورو پیای و ژەنێ جە روو سیاسی و وشیارییۆ بۍ.

گلێرۆبییەکەی جەلایەنو هامسەرۆکو ئەنجومەنو ڕاوەبەریی پەیەدەی جە کانتۆنو فوراتی بۆزان خەلیلی و مامۆساو زانکۆو کۆبانێ فریاز بەرکەلیوە بریا ڕاوە.

فریاز بەرکەل جەبارەو دەورو ژەنا جە گلێرکەینە و تاریخو ٢٥ نۆۋومبەری هۆرسەنگنایش کەرد. هامکات باسش جە مدرامانو ژەنۍ دلێ شۆڕشو وەرنیشتی و جە دژو داعشینە کەرد.

جە بەشی دووەمەنە هامسەرۆکو  ئەنجومەنو ڕاوەبەری پەیەدەی جە کانتۆنو فوراتی بۆزان خەلیل باسش جە هۆشمەندی پیاسالاری کەرد و واتش، "پیا دووۍ جارێ کۆیلەن. کۆیلەو دۆڵەتی و کۆیلەو گلێرکەی. بەڵام ژەنی ئا هێزو کۆیلەداریەیشا ماڕان".

جە دما دمایی گلێرۆبییەکەینە ناوەندو کلتور و هونەری باقی خدۆی شانۆیێش پێشکەش کەرد.

گلێرۆبییەکەی بە دروشمۆو 'ژەنێ، ژیوای، ئازادی' دمایش ئاما.