لە کاتی بەڕێوەچوونی پرسەی سری سوورەیا ئۆندەر لە ناوەندی کولتووری ئەتاتورک کەسێک بە ناوی سەلجوق تەنغیئۆلوو هێرشیکردەسەر ئۆزگوز ئۆزەلی سەرۆکی گشتی جەهەپە و چەپۆکێکی بەهێزی دا بە ڕووخساری ئۆزەلدا.

دوای دەستپێکردنی لێکۆڵینەوە، سەلجوق تەنغیئۆلووی هێرشکەر لەلایەن پۆلیسەوە دەستگیرکرا و دوای وتە لێوەرگرتنی لە بنکەی پۆلیسەوە ڕەوانەی دادگا کرا. دواتر دادگا بە پشتبەستن بە سرووشتی تاوانەکە و دۆخی بەڵگەکان بڕیاری گرتنی بۆ سەلجوق تەنغیئۆلوو دەرکرد.