جه‌ژنی ژیانه‌وه له مارسیلیا پیرۆز كرا
ساڵیادی ٣٨ هه‌مینی قه‌ڵه‌مبازی ١٥ی ته‌باخ له مارسیلیا له‌لایه‌ن كوردان و دۆستانی به جۆش و خرۆشێكی گه‌وره‌وه پیرز كرا.
به پێشه‌نگایه‌تی بزوتنه‌وه‌ی گه‌نجانی شۆڕشگێڕ (ته‌جه‌شه)، كۆمه‌ڵگای كورد له مارسیلیا و ته‌ڤ- چاند له گۆڕه‌پانی ڤیۆكس پۆرتێی مارسیلیای فه‌ره‌نسا ساڵیادی ٣٨ هه‌مینی قه‌ڵه‌مبازی ١٥ی ته‌باخ پیرۆز كرا.
له چالاكیه‌كه‌دا ئاڵای په‌كه‌كه، پۆسته‌ره‌كانی رێبه‌ری گه‌لی كورد عه‌بدوڵا ئۆجالان هه‌ڵدران.
خه‌ڵكی مارسیلیاش له‌گه‌ڵ كوردستانیان له گۆڕه‌پانی ڤیۆكس پۆرتێ كۆبوونه‌وه.
دوای خوله‌كێك رێزلێنان بۆ یادی فه‌رمانده‌ی گه‌وره مه‌عسوم كۆركماز و سه‌رجه‌م شه‌هیدانی شۆڕش، هونه‌رمه‌ندانی ته‌ڤ-چاند گۆرانیان وت و به به‌ر گۆرانیه‌وه هه‌ڵپه‌ڕكێ كرا.
گه‌نجانیش به دوكه‌ڵی ره‌نگاوی و فیشه‌كی ئاسمانی جه‌ژنی ژیانه‌وه‌یان پیرۆز كرد و پیرۆزباییه‌كه تا كاتژمێر ٢٣:٠٠ به‌رده‌وام بوو.
هـ . ب
