شاندی دەم پارتی لەگەڵ سەرۆکی گشتی مەهەپە دەوڵەت باخچەلی کۆبوونەوە، کۆبوونەوەکە دوای ٤٠ خولەک کۆتایی هات.

شاندەکی دەم پارتی لە کۆبوونەوکەدا بریتیبوون لە هاوسەرۆکانی گشتی پارتی یەکسانی و دیموکراسی گەلان (دەم پارتی) تولای حاتەم ئۆغوللاری و تونجەر باقرخان، سەرۆکفراکسیۆنانی دەم پارتی گوڵستان کلیچ کۆچگیت و سزای تەمەلی و لەگەڵ دەوڵەت باخچەلی سەرۆکی مەهەپە و شاندی هاوڕێی فاتیح یڵدز و جەلال ئادان کۆبوونەتەوە.

کۆبوونەوەکە ٤٠ خولەکی خایاند، بە گوێرەی ئەو زانیاریانەی لە نوسینەگەی ڕاگەیاندنی دەم پارتییەوە بڵاوکراوەتەوە، لە کۆبوونەوەکەدا بە بەرفراوانی ڕووداوەکانی تورکیا و هەرێمەکە هەڵسەنگێندراون، ئاماژەش بەوەکراوە کۆبوونەوەکە زۆر ئەرێنی بووە.

ڕاگەیاندرا لە کۆبوونەوەکەدا هەڵسەنگاندن بۆ ڕووداوەکانی دوای بانگەوازی ئاشتی و کۆمەڵگەی دیموکراتیکی ڕێبەر ئاپۆ، پرۆسەی دیموکراتیزەکردنی تورکیا، کۆتا دیدری ئیمراڵی و  بڕیارەکانی کۆنگرەی پەکەکە کراوە.

رۆژەڤی کۆبوونەوەکە بریتی بووە لەو هەنگاوانەی کە پێویستن بۆ بەڕێوەچوونی پرۆسەکە، ڕۆڵی پەرلەمان، پاکێجی نوێی دادوەری، ئەو کۆمیسیۆنەی کە چاوەڕوان دەکرێت لە پەڕلەمانەوە پێکبهێندرێت و دەستووری بنەڕەی تورکیا.

دەربارەی کۆبوونەوکە نوسینگەی ڕاگەیاندنی دەم پارتی ڕاگەیاندراوێکی بڵاوکردەوە و گوتی: "دەسنیشان کراوە پێکهێنانی کۆمسیۆنێک کە ئەرکێکی بنەڕەتییە لەژێر چەتری پەڕلەمان و بەشداربوونی پارتە سیاسییەکان بەشێوەیەکی چالاک لەم پرۆسەیە زۆر گرنگە. لەم چوارچێوەیەدا شاندەکەمان سبەینێ لە پەڕلەمان لەگەڵ شاندی ئاکەپە کۆدەبێتەوە."