کۆنگرەی کۆمەڵگەی دیموکراتیکی کوردستان لە ئەوروپا (کەجەدەکە-ئە) و تەڤگەری ژنانی کوردی ئەوروپا (تەژەکە-ئە) پەیوەست بە نەورۆزی ٢٠٢٥ەوە پەیامێكی هاوبەشیان بڵاوکردەوە.

ناوەڕۆکی پەیامەکە بەمجۆرەیە:

"نەورۆزی ٢٠٢٥ لە ئەورووپا و زۆر ناوەندی جیهان بە بەشداربوونی سەدان هەزار کەس پیرۆز کرا. لە چوارپارچەیی کوردستان و لە سەرانسەری جیهان گەلەکەمان کۆبوونەوە و بە هۆشیاری نەتەوەیی ڕۆحی یەکڕیزی بونیاتنرا. ئاگری نەورۆز بەم ڕۆحە گەشتر بوو، یەکێتیمان بە هێزتر بوو.

گەلی کورد لە یەکڕیزی و تێکۆشانی خۆی خاوەندارێتی کرد

گەلی کورد لە ئەڵمانیا، سویسرا، فەڕەنسا، نەمسا، هۆڵندا، بەلیجیکا، وڵاتانی ئەسکەندەنافیا، ئوسترالیا، کەندا، ژاپۆن و چەندین ناوەندی دیکە بە یەک دەنگ و بە سەدان هەزار کەس خاوەندارێتی لە یەکڕێزی و تێکۆشانی خۆیان کرد. خەیاڵی ئازادی لە لایەن ڕێبەر ئاپۆوە دەستیپێکرد و گەلەکەمان دەیان ساڵ قوربانی بۆداوە، بە دی دێت.

گەلی کورد لە هەر چوارپارچەیی کوردستان بە هەموو شێوەیەک پشتگری بانگەوازی ئاشتی و کۆمەڵگەی دیموکراتیکی ڕێبەر ئاپۆیان کرد و ئیرادەی خۆیان نیشاندا. گەلی کورد لە تێکۆشانی ژیانەوە سەرکەوت، بە بەهێزییەوە خواستی درێژە پێدانی ڕێپێوانی ئازادی لەگەڵ ڕێبەرێتی ئازاد دەربڕی.

بەشداربوونی گەنجان بۆ تێکۆشانمان هیوایەکی مەزنە

تێکۆشانی ژنان لە ٨ی ئادار دەستیپێکرد، لە ئاهەنگەکانی نەورۆزدا گەشتە ئاستێکی زۆر بەرز. لە ئاهەنگەکانی نەورۆزدا ژنان زۆرینەن، بە جل و بەرگی گەریلا، هەڵپەڕکێ دەکەن و دروشمی "ژن، ژیان، ئازادی" و "بژی سەرۆک ئاپۆ" ئیرادەی خۆیان نیشاندا و سەلماندیان پێشەنگی بونیاتنانی کۆمەڵگەی دیموکراتیکن.

سەرەرای هەلومەرجەکانی ئەوروپا گەنجان بە بڕیارەوە خاوەندارێتی کردنێکی مەزنیان نیشان دا. جۆش و بەشداربوونی گەنجان بۆ تێکۆشانمان هیوایەکی مەزنە. لەو باوەڕەداین خاوەندارێتی لەم تێکۆشانە دەکەن و زیاتر پەرەی پێ دەدەن.

بە ڕێزدارییەوە سڵاو لە سەدان هەزار کەس دەکەین

نەورۆزی ناوەندی کە لە ٢٩ی ئاداردا لە شاری فرانکفۆرت بە جۆشێکی مەزن و بەشداری سەدان هەزار کەس لە چواربەشی کوردستان و ئەوروپا بەڕێوەچوو، بە ڕۆحی یەکێتی نەتەوەیی ئەنجام درا.

کوردستانیان و دۆستانیان کە لە ئەڵمانیا و سەرانسەری ئەوروپا بەشداری ئاهەنگی نەورۆز بوون بە دروشمی "کۆمەڵگەی ئازاد و ڕێبەرێتی ئازاد"، ئەنجام درا، بە دروشم، هەڵپەڕکێ نەورۆزیان گۆڕی بۆ گۆڕەپانی تێکۆشان.

وەک کەجەدەکە-ئە و تەژەکە-ئە سڵاو لەو سەدان هەزار کەسە دەکەین کە لە ئەوروپا و سەرانسەری جیهان بەشداری ئاهەنگی نەورۆز بوون. هەروەها سوپاسی هەزاران ئەرکدار دەکەین بە دیسپلینەوە بەشداری جۆشی نەورۆز بوون، ئەرکی خۆیان بە بێ کەم وکورتی جێبەجێ کرد، سوپاسی خەباتکارانی ڕاگەیاندن، هەموو بەشداربووان، هونەرمەندان، دۆستان، میوانان دەکەین. بانگەواز دەکەین بۆ ئەوەی تێکۆشانمان هەمیشە بەم جۆش و بڕیاردەرییەوە بەردەوام بێت، کارەکانمان مەزنتر بکەین."