فیدراسیۆنەکانی، عەلەوی دیموکراتیک (FEDA)، یەکێتی دیموکراتیکی دێرسیم- ئەوروپا (ADEF) و کۆنگرەی بنیات نانەوەی دێرسیم (DİK) لە بەیاننامەیەکی هاوبەش سەبارەت بە هەڵبژاردنە ناوخۆییەکان، داوایان لە هەموو لایەک کرد دەنگ بە هاوپەیمانی شاری دێرسیم بدەن.
فیدراسیۆنی عەلەوی دیموکراتیک (FEDA)، فیدراسیۆنی یەکێتی دیموکراتیکی دێرسیم-ئەوروپا (ADEF) و کۆنگرەی بنیاتنانەوەی دێرسیم (DİK) بەیاننامەیەکی هاوبەشیان بڵاوکردەوە و داوایان لە هەموو لایەک کرد بەشداری هەڵبژاردنە ناوخۆییەکان بکەن کە لە ڕۆژی یەکشەممە لە تورکیا و کوردستان بەڕێوە دەچێت، دەنگ بە هاوپەیمانی شاری دەرسیم بدەن.
لە ڕاگەیەندراوەکەدا ئاماژە بەوە کراوە کە نابێت ڕێگاکە بدرێتە بە لایەنە ساختەکارەکان و وتراوە: "گەلی ڕێزداری دێرسیم؛ هاوپەیمانی دێرسیم بریتیە لە پارتی یەکسانی و دیموکراسی گەلان (دەم پارتی)، فیدراسیۆنی ئەنجوومەنەکانی سۆسیالیست (SMF)، پارتی کرێکارانی تورکیا (TİP)، پارتی ڕەنجدەران بەرەی کرێکار، ئازادی و پارتیزان. ئەم هاوپەیمانییە بۆ ئێمە ڕێکخراوەکانی دێرسیم و عەلەوی زۆر مانادار و بەنرخە.
بۆ بەڕێوەبەری گەل دەنگ بدەن بە "هاوپەیمانی شاری دەرسیم" بۆ شکستپێهێنانی لایەنە ساختەکارەکان کە دەستیان لە کوشتن و کۆمەڵکوژیی مێژووی دێرسیمدا هەیە! بۆ بەڕێوەبەریی ناوخۆییە شۆڕشگێڕ و گەلپارێز و بەشداربووان؛ بڕیار و ئەرکەکانی گەلی دێرسیم، دەنگ بە "هاوپەیمانی شاری دێرسیم "بدەن."
