دیوانی هاوسەرۆکایەتی کۆنگرەی گەل لە راگەیەندراوێکدا باسی لەوەکرد کە بەشداری بەرفراوان و بەرچاو لە رێپێوانەکەی دۆسێلدۆرفدا زۆر گرنگە و رایگەیاندووە: "هەمووان دەبێت لەگەڵ بنەماڵە و دۆستان و کەسانی دەوروبەریان بەشدار بن".

راگەیەندراوەکە بەم جۆرەیە: "ساڵی ٢٠٢٣ سەدەم ساڵەی لۆزانە کە بناغەی نکۆڵی و سڕینەوەی گەلی کوردە. ساڵی ٢٠٢٣ ساڵیادی پەنجایەمینی تێکۆشانی ئازادی رێبەر ئاپۆیە کە بەرامبەر کۆمەڵکوژی گەلی کورد دەستی بەو تێکۆشانە کرد و هەروەها ٢٥ەمین ساڵیادی بەدیلگیرانی رێبەر ئاپۆیە لە ئیمراڵی.

ساڵی ٢٠٢٣، ساڵی تێکۆشانی ئازادی و دیموکراسی هەموو هێزە دیموکراسییەکان، گەلەکەمان و بەتایبەتی رێبەر ئاپۆ و گەریلاکانە کە بەرامبەر سیستمی کۆلۆنیالیستی و کۆمەڵکوژکار گەیشتووەتە لوتکە. گەلەکەمان بە پیرۆزباییەکانی ٨ی ئادار و نەورۆز ئەو پەیامەیان راگەیاند.

لەبەر ئەوە دەڵێین ساڵی ٢٠٢٣ دەبێتە ساڵی لەناوچوونی فاشیزمی ئاکەپە-مەهەپە و ئازادی جەستەیی رێبەر ئاپۆ. ئێمە لەگەڵ گەلەکەمان، دۆستانمان، هەموو هێزە دیموکراسییەکان و بەتایبەتی ژنان و گەنجان ساڵی ٢٠٢٣ بە ئازادی تاجدار دەکەین.

لەبەر ئەوە ئەو گردبوونەوە و رێپێوانە ناوەندییەی لە ١٥ی نیساندا لە دۆسێلدۆرف ساز دەکرێت، زۆر گرنگە. دەبێت بەو گیانی سەفەربەرییەی گەلەکەمان لە کاتی بومەلەرزەدا گرتیەبەر و لە پیرۆزباییەکانی نەورۆزی ٥٠هەمین ساڵیادی تێکۆشانی رێبەر ئاپۆدا گەیاندیە ئاستێکی بەرز، لە رێگەی رێپێوانی دۆسێلدۆرفەوە بەرەو باڵاترین ئاست هەڵبکشێت.

داوا لە گەلەکەمان و دۆستانمان دەکەین کە لەپێناو ئازادی جەستەیی رێبەر ئاپۆدا بە بەشداری بەرچاوی خۆیان ئەم پەیامە بدەنە هێزە پیلانگێڕەکان کە بە گۆشەگیری، نکۆڵی و سڕینەوە کە لەکەسایەتی رێبەر ئاپۆدا بەرامبەر بە گەلی کورد پەیڕەو دەکرێت، بڵێن ئیتر بەسە. پێکەوە بۆ دیموکراسی، ئازادی و ئاشتی دروشمی "ئازادی بۆ رێبەر ئاپۆ" بڵێنەوە.

داوا لە گەلەکەمان و هێزە دیموکراسییەکان دەکەین؛ کاریگەری رێپێوانی دۆسێلدۆرف کە لەم قۆناغە مێژووییەدا ساز دەکرێت، بۆ داهاتووی ئازاد و دیموکراتیکی گەلانمان زۆر گرنگە. لەبەر ئەوە دەبێت هەموان لەگەڵ بنەماڵە و دۆستان و دەوروبەرییەکانیان بەشێوەیەکی بەهێز و بەرچاو بەشداری لەو رێپێوانەدا بکەن".

هـ . ب