ئەمڕۆ، کۆتا ڕۆژی دەنگدانە لە ئینگلتەرا بۆ هەڵبژاردنەکانی سەرۆکایەتی و پەرلەمانی ١٤ ی ئایار.

کاندیدی پارتی چەپی سەوز بۆ پەرلەمان لە هەرێمی سێیەمی ئەستەنبوڵ، کەرەم فیرتینا، لە پەیامێکی ڤیدیۆیی بڵاوکردەوە و بانگەوازی لە دەنگدەرانی ئینگلتەرا کرد.

لە پەیامەکەی فیرتینا هاتووە: «ئەمڕۆ کۆتا ڕۆژی دەنگدانە لە ئینگلتەرا، ڕەنگە هەوڵی زیاتر پێویست بێت، تکایە دەنگەکانتان بدەن لەپێناو خوشک و براکانتان لە وڵات، لەپێناو هاوڕێ و دۆستەکانتان، لەپێناو ئێمە و خۆتان، مۆری «بەڵێ» لەژێر لۆگۆی درەختەکە بدەن، بەهیوام پاش ١٥ ی ئایار لە تورکیایەکی گەشاوەتردا یەکتر ببینین».

کۆردیناسیۆنی هەڵبژاردن لە بەریتانیا کە پشتیوانی پارتی چەپی سەوز دەکات، داوای لە لایەنگرانی ڕەنج و ئازادی کرد لەم هەڵبژاردنەدا بە ئەرکی مرۆڤایەتی و مێژوویی خۆیان هەستن. 

جێی ئاماژەیە، سیاسەتمەداری کورد، عوسمان بایدەمیر کە لە بەریتانیا چالاکیی هەڵبژاردن بەڕێوەدەبات، داوای لە دەنگدەران کرد، دەنگی خۆیان بدەن.

ف.ق