لە شاری دارمشتادی ئەڵمانیا بە رێکخستنی مەراسیمێک یادی گەریلاکانی هەپەگە و یەژاستار زەکی شامان (عەلی چیچەک)، باران شاهین ئۆغڵو (تۆپراک گەڤەر)، حەببیب پالا (سەرحەد جۆلەمێرگ)، شەریف ئاکدۆغان (سەردار جودی)، کاژین گیونەری (بۆزان خەرزان) و ئۆرهان کانار (شۆرش خنس) کرایەوە، کە لە ٢٩ی تەممووزی ٢٠١٧دا لە شەهید بوون.

مەراسیمەکە لەلایەن بنەماڵەى شەهید عەلی چیچەک رێکخرابوو و بە خولەکێک رێزگرتن بۆ گیانی پاکی شەهیدان دەستیپێکرد.

کانیڤار شامان خزمی شەهید چیچەک وتەیەکی پێشکەشکرد و وتی، "عەلی چیچەک تەنها شەهیدی ئێمە نییە، شەهیدی هەموو ئەوانەیە، کە خاوەنداری و پشتیوانیی لێدەکەن".

لە بەردەوامیی وتەکانیدا بە ناوی کۆمەڵەى بنەماڵەى شەهیدان و بێسەروشوێنکراوان (کۆماو - KOMAW) وتەیەک پێشەکەش کرا و یادی هەموو شەهیدانی رێگای ئازادی کرایەوە.

هەروەها راگەیاندرا، بۆ یادکردنەوەى شەهیدان تەنها کۆبوونەوە بەش ناکات و دەبێت پشتیوانی و خاوەنداری لە بەرخودانی گەریلا بکرێت.

محەمەد شیرین شامان مامی شەهید عەلی چیچەک لە رێگەى تەلەفونەوە بەشداری یادەکە بوو و رایگەیاند، "وەک بنەماڵە سەرمان بەرزە، ئێمە بە شەهیدەکەى خۆمان سەربەرزین. شەهیدبوونی ئەو گەنجانە بۆ ژیانی ئازادی ئێمە و جوانکردنی ژیانی ئێمەیە".

لە وتەکاندا بە ناوی بزووتنەوەى ژنانى کورد لە ئەوروپا (تەژەکە ئەوروپا / TJK-E) وتەیەک پێشکەش کرا و لە کەسایەتی شەهید عەلی چیچەک دا یادی هەموو شەهیدانیان کردەوە و رایانگەیاند، "بە دڵنیاییەوە رۆحی عەلی چیچەک لە تێکۆشانی ئازادیی کوردستاندا دەژی و بە زیندووی دەمێنێتەوە".

یادەکە بە وتنەوەى دروشمەکانی "شەهید نامرێ" ، "بژی سەرۆک ئاپۆ" ، "بژی بەرخودانی گەریلا" و "بژی بەرخودانی زیندانەکان" کۆتایی پێهات.

ژ.ت