لە شاری فرایبورگی ئەڵمانیا بە بۆنەى رۆژی جیهانیی کۆبانێیەوە چالاکییەک رێکخرا.

کوردستانیان و دۆستە ئەڵمانییەکانیان بەشداری چالاکیی ١ی نۆڤەمبەر رۆژی جیهانیی کۆبانێ بوون و بە درێژایی ماوەى چالاکییەکە دروشمەکانی "بژی کۆبانێ"، "بژی رۆژئاوا" ، "ئەڵمانیا دابینی دەکات، دەوڵەتی تورک بۆردومانی دەکات" و "بژی سەرۆک ئاپۆ" وترانەوە.

هاوکات لەگەڵ بەڕێوەچوونی چالاکییەکە بۆ یادی رۆژی جیهانیی کۆبانێ، گروپێک لە فاشیستەکان هەوڵی ئاژاوەگێڕی و کاری تێکدەرانەیان دژ بە یادەکە دا، بەڵام چالاکوانان بە پێداگرییەوە بەردەوامبوون لەسەر بەرز راگرتنی رۆژی جیهانیی کۆبانێ و چالاکییەکیان بەپێی پلانەکەیان بەڕێوەبرد و لە کۆتایدا راگەیاندراوی چالاکییەکەیان خوێندەوە و سەرکەوتوانە کۆتاییان بە چالاکییەکە هێنا.

ژ.ت