گەریلاکانی هەپەگە ڕەشید چەتین کایا (ڕزگار سەرهەڵدان) و محەمەد چەڤیک (زەردەشت سیسەر) لە ساڵی ٢٠١٥دا لە هێرشەکانی دەوڵەتی تورکی داگیرکەر لە ناوچەکانی سەرحەد و گارزان شەهید بوو بوون، بە رێکخستنی مەراسیمێک لە شاری جنێڤی سویسرا یادیان کرایەوە.

یادکردنەوەکە لە ناوەندی کۆمەڵگەی دیموکراتیکی کورد لە جنێڤ (نەجەدەکە / NCDK) بەڕێوەچوو و ژمارەیەکی زۆر لە کوردستانیان لەگەڵ بنەماڵە و کەسوکاری ڕزگار سەرهەڵدان، بەشدارییان لە یادەکەدا کرد.

لە کەسایەتیی ڕزگار سەرهەڵدان و زەردەشت سیسەر دا بۆ یادی شەهیدانی تێکۆشانی ئازادیی کوردستان، خولەکێک رێزگرتن  بەڕێوەچوو.

هاوسەرۆکی نەجەدەکە ساڵح ساغلام لە مەراسیمەکەدا وتی: "خاوەنداریکردن لە تێکۆشانی شەهیدان وەڵامی ئێمە دەبێت بۆ خەونی شەهیدان، کە ئەوانەش ڕێبەری ئازاد و کوردستانی ئازادە".

کەسوکاری شەهیدان لە یادەکەدا ڕایانگەیاند، وەفادار و دڵسۆزی یادی شەهیدان دەبن. پاشان سینەفیزیۆنێک لەسەر تێکۆشانی شەهیدان نمایشکرا.

یادەکە بە وتنەوەی دروشمی "شەهید نامرێ" کۆتایی پێهات.

ژ.ت