لە چوارچێوەی لێکۆڵینەوەکانی دۆسیەی کۆبانێ دا، کە لەلایەن داواکاری گشتیی کۆماریی لە ئەنقەرە بەڕێوەدەبرێت، بڕیاری لێکۆڵینەوە و دەستگیرکردن بۆ ٩١ کەس دەرکرا و ٤٨ کەسیان دەستگیرکران.

دەستگیرکراوان لەلایەن سێ دادگای ناوسراو بە دادگانی سزای سوڵحەوە وتەیان لێوەرگیرابوو.

وەرگرتنی وتە لە ٢٨ کەسیان تەواو بووە و بڕیاری زیندانیکردن بۆ ١٣ کەسیان دەرکرا و زیندانیکران.

ئەو کەسانەى زیندانیکراون بریتین لە: عەبدوڵا بۆزکۆیون، ئەیوب جان ئۆجال، ئەرداڵ ئاڤچی، گوڵشەن دوران، بەرات ئانلی، فەجری تایفۆن، ئومێد گونەش، زانا دۆنەر، نیزامەدین ئۆنار، بورهانەدین بودوش، حەسەن ئۆگور چات، مەهمەتی کۆیونجو و حوسێن داش.

شەوی ڕابردووش هەر یەک لە ئاتالای بایراک، نیهات گێزیچی، ئەلیاس تەکین، نەواف ئۆک و هالین ئاسلانلی-یش زیندانیکرابوون.

١٠ کەسیش بە مەرجی مانەوە لە ژێر چاودێریی دادگا و قەدەغەکردنی گەشت بۆ دەرەوەی وڵات ئازادکرابوون.

ژ.ت