لە لەندەنی پایتەختی بەریتانیا لەسەر بانگەوازی هاوبەشی پلاتفۆرمی دەنگی زیندانیان (تەسەپە) و (NADEK) و (UPOTUDAK) لەبەردەم کتێبخانەی وودگرین چالاکی ئەنجامدرا.

لە چالاکییەکەدا بەدرووشمی "ئازادی بۆ زیندانیانی نەخۆش، تێکۆشان دژی گۆشەگیری" گوترا: "لە زیندانەکان ئەشکەنجە و هەوڵی کوشتن و دەستدرێژی ڕەگەزی و هەڕەشە بەردەوامە. گۆشەگیری ڕەهای سەر ڕێبەری گەلی کورد عەبدوڵا ئۆجالان ٣ ساڵە بێ وەستان بەردەوامە".

لە چالاکییەکەدا تیشکخرایە سەر زیندانیانی نەخۆش و بانگەوازکرا بۆ خاوەندارێتی لە داخوازی زیندانیان.

لە چالاکییەکەدا پانکارتەکان بە زمانی ئینگلیزی و تورکی هەڵگیران، بڵاوکراوە دابەشکران و سیاسەتی قڕکەری دەسەڵاتی فاشیست لە زیندان ڕیسوا کرا.

هەروەها داوای دەمودەست ئازادکردنی ئەجەوید پیرئۆغلو کرا کە ٣ ساڵە بە داوای ڕادەستکردنی بە دەوڵەتی تورک لە زیندانی سڕبیا ڕاگیراوە.