لە ئارنهایم و دویسبۆرگ نەورۆز پیرۆزکرا
کوردستانی و دۆستەکانیان سڵاویان لە نەورۆزی ئامەد و مزگێنی هەپەگە کرد، داوای ئازادی جەستەیی ڕێبەری گەلی کورد عەبدوڵا ئۆجالانیان کرد.
نەورۆزی جەژنی ژیانەوەی گەلی کورد لە شاری دویسبۆرگی ئەڵمانیا و شاری ئارنهایم هۆڵەندا بەجۆشێکی مەزنەوە پیرۆزکرا.
دویسبۆرگ
نەورۆز لەسەر بانگەوازی ناوەندی جڤاکی کوردی دیموکراتیکی دویسبۆرگ (دەکتەم) و مەجلیسی ژنانی شەهید ئاسیا یوکسەل ڕێکخرا، ئاهەنگی نەورۆز کرایەوە، سەدان کوردستانی و دۆستەکانیان لە دویسبۆرگ و دەوروبەری بەشداربوون.
لە ئاهەنگەکەدا شەهیدانی ئازادی کوردستان و شەهیدانی نەورۆز یادکرانەوە، بەشداربووان سڵاویان لە نەورۆزی ئامەد و مزگێنی هەپەگە کرد، داوای ئازادی جەستەیی ڕێبەری گەلی کورد عەبدوڵا ئۆجالانیان کرد. هەروەها سڵاو لە بەرخۆدانی گەریلاکانی ئازادی کوردستان کرا.
درووشمی "بژی سەرۆک ئاپۆ" و "بژی بەرخۆدانی گەریلا" و "بژی بەرخۆدانی زیندان" و "بژی نەورۆز" بەرزکرایەوە.
تا درەنگانێک لە دەوری ئاگری نەورۆز هەڵپەڕکێ کرا.
بانگەوازکرا بۆ بەشداربوون لە ئاهەنگی نەورۆزی فرانکفۆرت لە ٢٣ ی ئادار.
ئارنهایم
کوردستانیان لە شاری ئارنهایمی هۆڵەندا کۆبوونەوە و نەورۆزیان پیرۆز کرد. سەدان کەس پۆستەری ڕێبەری گەلی کورد عەبدوڵا ئۆجالان و ئاڵای پەکەکەیان بەرزکردەوە، ئاگری نەورۆزیان کردەوە. لە ئاهەنگەکەدا داوای ئازاد ڕێبەری گەلی کورد عەبدوڵا ئۆجالانیان کرد، جەماوەر بەدەم مۆسیقاوە هەڵپەڕین.
