كۆمیته‌ی سه‌د ساڵه‌ی كاروخه‌باتی په‌یمانی لۆزان له ٢٤ی ته‌مموزدا كه هاوكاته له‌گه‌ڵ ٩٩هه‌مین ساڵه‌ی به‌ستنی په‌یمانی لۆزان له‌و شاره كۆده‌بنه‌وه و ناڕه‌زایه‌تی خۆیان به‌رامبه‌ر به‌و په‌یمانه ده‌گه‌یه‌ننه رای گشتیی جیهان.
له راگه‌یه‌نراوێكدا كۆمیته‌ی سه‌د ساڵه‌ی كاروخه‌باتی په‌یمانی لۆزان رایگه‌یاندووه، "٩٩ ساڵ لەمەوبەر لە شاری لۆزانی سویسرا کۆنفرانسێک کرا و پەیمانێک ئیمزا کرا. لە ئەنجامدا جارێکی دی کوردستان پارچەپارچە کرا".
راشیگه‌یاندووه، " ئێمە وەک نوێنەرانی پارت و رێکخراوو وەک کەسایەتی کوردستانیی، لە رۆژی یەکشەمە، ٢٤.٠٧.٢٠٢٢ لە ٩٩ ساڵەی پەیمانی لۆزاندا، لە شاری لۆزان کۆدەبینەوە. لە کۆبوونەوەدا ئەنجامی ئەو پەیمانەو کاریگەریەکانی لەسەر کوردستان هەڵئەسەنگێنین و هەڵوێستی خۆمان دەرئەبڕین".
كۆمیته‌ی سه‌د ساڵه‌ی كارو خه‌باتی په‌یمانی لۆزان ئه‌وه‌شی خستووه‌ته‌ڕوو: تەواوی رۆژەڤی کۆنفراس لەسەر پەیمانی لۆزان و ئەنجامە نەرێنییەکانی ئەو پەیمانەیە لە کوردستاندا. ٩٩ ساڵ لەمەوبەر لە لۆزان کۆنفرانسێک بەستراو بڕیاری لەچارەنووسی گەلی کوردستان دا. ئێمە ئەمانەوێت لە ٩٩ سالەی ئەو پەیمانە شوومەدا، هەڵوێستێکی کوردستانی بنوێنین و ناڕەزایەتی خۆمان بەرامبەررێکخەران و بڕیاردەرانی ئەو پەیمانە پیشان بدەین و دەنگی خۆمان بگەیەنینە راێ گشتی جیهان.
هێمای بۆ ئه‌وه‌ش كردووه، "هەروەها لە کۆنفرانسدا وتوێژ لەسەر ١٠٠ ساڵەی پەیمانی لۆزان بکەین و پلانی کارو چالاکی بۆ ساڵی داهاتوو دابڕێژین".
رۆژ : ٢٤.٠٧.٢٠٢٢، یەکشەمە
کات: ١٠:٠٠ – ١٧:٠٠
شوێن: لۆزان، سویسرا
Place de la Riponne ٦, ١٠٠٥ Lausanne
به‌رنامه:
١٠:٠٠ – ١٠:٠٥ کردنەوە
١٠:٠٥ – ١٠:١٥ ئاخاوتنی کردنەوە
١٠:١٥ – ١٠:٣٠ سینەڤزیۆنێك لەسەر پەیمانی لۆزان
١٠:٣٠ – ١٣:٠٠ ئاخاوتن و پەیامی بەشداران
١٣:٠٠ – ١٤:٠٠ پشووی نان خواردن
١٤:٠٠ - ١٦:٠٠ ئاخاوتن و پەیامی بەشداران
١٦:٠٠ – ١٧:٠٠ ئەنجامنامە
بۆ زانیاریی زیاتر:
رەفیق غەفور. ٠٠٤٧٩٧٩٨٩٣٢٠
خەیرەدین ئۆزتەکین، ٠٠٤١٧٨٦٩٣٦٧٧٩
هـ . ب
