له تۆرێنتۆ كۆمه‌ڵكوژی ئێزدییه‌كان به بیرهێنرایه‌وه
كوردان كه له شاری تۆرێنتۆی كه‌نه‌دا ده‌ژین به بۆنه‌ی هه‌شته‌م ساڵیادی كۆمه‌ڵكوژی ئێزدییه‌كان چالاكی یادكردنه‌وه‌یان سازكرد.
كۆمۆنی ژنانی سارا ئۆزگور و ئه‌نجومه‌نی گه‌لی كوردی دیموكراتیكی تۆرێنتۆ له چوارڕێیانی كیلێ-ویڵسۆن چالاكی یادكردنه‌وه‌یان سازكرد.
له یادكردنه‌وه‌كه‌دا گیانبه‌ختكردووانی فه‌رمانی سه‌ر ئێزدییه‌كان له ٣ی ئابی ٢٠١٤دا یادیانكرایه‌وه. له چالاكییه‌كه‌دا پۆسته‌ره‌كانی رێبه‌ری گه‌لی كورد عه‌بدوڵا ئۆجالان، ئاڵاكانیی یه‌په‌گه، یه‌په‌ژه، هه‌په‌گه، یه‌به‌شه و په‌كه‌كه به‌رزكرانه‌وه.
له چالاكییه‌كه‌دا خاوه‌نداری له به‌رخودانی شه‌نگال كرا و هێرشه‌كانی ده‌وڵه‌تی توركی داگیركه‌ر شه‌رمه‌زار كران. له چالاكیه‌كه‌دا به سه‌دان بروسوری زانیاریپێدان بڵاوكرانه‌وه.
ئه‌نجومه‌نی گه‌لی كوردی دیموكراتیكی تۆرێنتۆ باسی له‌وه‌كرد، كه هه‌ڕه‌شه له‌سه‌ر ئێزدییه‌كان هێشتاش به‌رده‌وامه و وتی، "داگیركاری تورك هه‌ڕه‌شه و هێرشه‌كانی خۆی وه‌ك ئه‌وانه‌ی داعش به‌رده‌وام ده‌كات".
چالاكی به رێزلێنان له گیانبه‌ختكردووانی كۆمه‌ڵكوژییه‌كه و شه‌هیدانی تێكۆشانی ئازادی كوردستان كۆتاییهات.
هـ . ب
