کۆبوونەوەی شاندە باڵاکەی عێراق و ئەنجومەنی خۆبەڕێوەبەریی شەنگال کۆتاییهات و شاندەکە ڕایانگەیاند: شەنگالییەکان ڕەنجێکی گەورە و شەهیدیان داوە، بۆیە ڕەنجەکەیان لەبیر ناکرێت، خۆبەڕێوبەرییش داواکارییەکانی پێشکەشکرد.

لە ڕاگەیەنراوەکەی مەجلسی خۆسەری دیموکراتیکی شەنگال وەبیر هێنراوەتەوە کە گەلی شەنگال دوای ڕێکەوتنەکەی بەغدا و هەولێر بە شێوەیەکی بێ وچان چالاکی دەکەن و داوای بەفەرمی ناسینی ئیرادەی ئێزدییەکان دەکەن.

لە گەل ئەم چالاکییانەدا و خۆپیشاندان ڕاگەیەنرا کە خۆسەری بە داواکاری خەڵکی شەنگال، لەگەل زۆر لایەنی سیاسی، و سەربازیدا چاوپێکەوتنی ئەنجامدا.

لە ڕاگەیەنراوەکەدا هاتووە، " بە سایەی بەرخۆدانی گەل و ئەو چاوپێکەوتنانەدا، ئەمرۆ شاندێکی باڵای حکومەتی عێراق سەردانی شەنگالی کردووە و لەگەل بەڕێوەبەری خۆسەری دیداری کرد.

بابەتی سەرکی کۆبوونەوەکەی ئەمڕۆ، بە فەرمی ناسینی بەڕێوەبەری خۆسەری شەنگال و هێزی خۆپاراستنی شەنگال بوو. هەر دوو هێز لەکاتی فەرماندا گەلی ئێزدییان پاراست."

مەجلسی خۆسەری دیموکراتیکی شەنگال ئەوەی خستەڕوو کە بۆ ئەوەی کە عێراق کیشەکانی چارەسەر بکات، پێویستە سەرەتا ئەم دووهێزەی شەنگال بناسێت و مافی ڕەوای کۆمەڵگەی ئێزدی لە چوارچێوەی یاسای بنەرەتی عێراقدا مسۆگەر بکات.

لە بەردەوامی ڕاگەیەنراوەکەدا هاتووە: " لەم کۆبوونەوەدا ئێنە بەئاشکرا بە بەرپرسانی عێراقیمان ڕاگەیاندووە کە دەبێت کێشەکان بە ڕێگەی دیالۆگەوە چارەسەر بکرێت، نەبە هەڕەشە و هێزی سەربازی."

مەجلس دەستنیشانیکرد کە لەم چاوپێکەوتنەدا چارەسەرێکی هەمیشەیی نەبینرا و بۆ داهاتوو بنگەیەکی گفتۆگۆ درووستبوو، ئەوەیان خستەڕوو کە بەناوی بەڕێوەبەری خۆسەر چاوەڕوانن کە حکومەتی عێراق ڕێز لە ئیرادەی شەنگالییەکان بگرێت.

لە کۆتایی ڕاگەیەنراوەکەدا وترا: " تێکۆشانی ئێمە تێکۆشانێکی ڕەوایە. هەر بۆیە ئێمە دەست لە تێکۆشانی خۆسەری بەرنادەین.  هەڕەشە و هێرشی هێزە جیاوازەکانیش بۆسەر خۆمان قەبووڵ ناکەین. ئێمە ئامادەین لەرێگەی دیالۆگەوە لەگەل لایەنەکان دانیشین."

ک-ش