مەجلسی خۆسەری دیموکراتیکی شەنگال، ئەوهێرشە خۆکوژییەی چەتەکانی داعش کە لە بەغداد ئەنجامیاندا ئیدانەکراد و سەرخۆشی لە بنەماڵەی قوربانیەکان کرد و هیوای چاک بوونەوەی بۆ برینداران خواست.

ڕاگەیەنراوەکەی مەجلسی خۆسەری دیموکراتیکی شەنگال بەم شێوەیە:

"  ئێمە هێرشە درندانەکەی ٢١ی کانوون کە لە پایتەختی عێراق ڕوویدا ئیدانە دەکەین. سەرخۆشی لە بنەماڵەی قووربانیان و هیوای زوو چاک بوونەوەمان بۆ برینداران هەیە.

ئەم هێرشە لە کاتێکدایە کە داعش و هاوکارەکانی جارێکی تر ئاشکرای دەکەن کە هەرکات '  بمانەوێت دۆخی عێراق تێک دەدەین' ئەمەش لاوازی حکومەت نیشان دەدات.

چۆن عێراق و هەموو پارتە سیاسیەکان لە پێشوازی هەڵبژاردنەکاندان و سەرقاڵن. بەڵام لە ناوەندی پایتەختی هێرشی داعش هەیە.

پێویستە حکومەت وابیرنەکاتەوە کە داعش نەماوە، عێراق هێشتا لە دۆخی شەڕدایە. کردەوەیەکی ئاوەها لە دەسپێکی ساڵی نوێدا پەیامی خۆی هەیە بۆ ساڵی ٢٠٢١ .

لەم هێرشەدا بەداخەوە کاسبکار و خەڵکی هەژار کە بۆ بژێوی ژیانی خۆیان خەریکی کارکردن بوون کرانە ئامانج.

ئەمەش جارێکی تر دڕندە بوونی داعش و هاوکارەکانی  و کردەوکانیان لە دژی مرۆڤایەتی نیشان دەدات.

ک-ش