ژمارەیەک لە ئەکادیمیسیان، ھـونەرمەنـد، رۆشنبیر، نـوسەر، رۆژنـامەوان، پـزیشک، مـافـناس، پێشەوای ئـایینی و بیرو بـاوەڕ لە کوردسـتان نامەیەکیان بۆ بە ناوی "نا بۆ داگیرکاری، نا بۆ شەڕی خۆکوژی" بۆ رێواز فایەق سەرۆکی پەرلەمان نووسی.
لە نامەکەدا راگەیاندراوە، " پێویستە کە دەسـتبدەینە دەسـتی یەکتر و ھەمـوو رێوشوێنێکی پێویست بگرینە بەر بۆ وەستاندنی ئەو پیلانە خەتەرەی دوژمنانی گەلی کوردستان".
دەقی نامەکە بۆ سەرۆکی پەرلەمان
بۆ سەرۆکی پەرلەمانی ھەرێمی کوردستان؛ بەڕێز ڕێواز فایق
نا بۆ داگیرکاری ، نا بۆ شەڕی خۆکوژی
ئێمە، وەک ئەکادیمیسیان، ھـونەرمەنـد، رۆشنبیر، نـوسەر، رۆژنـامەوان، پـزیشک، مـافـناس، پێشەوای ئـایینی و بیرو بـاوەڕ لە کوردسـتان بە ھەمـوو جیاوازییەکانـمانەوە و خەڵکانی ھەرچـوار پـارچەی کوردسـتان کە لە دەرەوەی وڵات، لە ئەوروپـا، کەنەدا، ئـوسـتورالیا، روسیا، ئەرمەنسـتان، ئـامـریکا و وڵاتی چین، دەژین؛ لەسەر نـاوی ھەزار و پێنجسەد و شەش کەس کە ئیمزامانکردووە؛ ئەم داواکاریی و بانگەوازە پێشکەشی ئێوە دەکەین.
لای ھەمـوومـان ئـاشکرایە کە گەلی کوردسـتان سـاڵنێکی دوور و درێژە لە ژێرداگیرکارییدا دەنـاڵێنێ. دەوڵەتە داگیرکەرەکان لە چەوسـانـدنەوە و ئـازاردانی کوردسـتانییان درێغییان نەکردووە. سەرەرای ھەمـوو ئـاسـتەنگی و کێشە جۆربەجۆرەکان؛ دوژمـنان ھەرگیز دەسـتیان لە گەلی کوردسـتان و دەسـتکەوتەکانی نەپـاراسـتووە. لەگەڵ ئەوەشـدا، ئێستا گەلی کوردسـتان لەھەمـوو کات زیاتـر ھیوای بە ئـازادبـوون و رزگـاریی ھەیە. فـرسەتی رزگـاریی و پـتەوکردنی سـتاتۆی کوردسـتان لە پێش گەلدایە.
دەوڵەتە داگیرکەرەکان، بەتـایبەت دەوڵەتی تـورک وەک مەزنـترین دوژمنی کوردسـتان، لە ھەمـووکات زیاتـر دووچـاری کێشە و قەیرانی سیاسیی، سەربـازی، کۆمەڵیەتی، ئـابـووری و دیپلۆمـاسی بـوونەتەوە. ئەمەش دەرفەت دەداتە گەلی کوردسـتان کە پلانە دزێوەکانی ئەم دوژمنە رەگەزپەرستانە تێکبشکێنێت.
بۆیە بەھیچ شێوەیەک لە قــازانجی گەلی کورســتان نیە کە ھێزێکی کوردی ببێتە داردەســتی دەوڵەتی تــورک و ھەوڵی ھەڵگیرسـانـدنەوەی شەڕی کوردکوژیی و خۆکوژی بـدات. لەسەر ھەمـوومـان پێویستە کە دەسـتبدەینە دەسـتی یەکتر و ھەمـوو رێوشوێنێکی پێویست بگرینە بەر بۆ وەستاندنی ئەو پیلانە خەتەرەی دوژمنانی گەلی کوردستان.
ئەگەر شەڕێک رووبــدا، ھەرگیز شەڕی پێشمەرگە و گەریللا نیە. ھەرگیز پێشمەرگە و گەریللا ئــامــادەنین شەڕی یەکتر بکەن. ئەوە شەڕی دەوڵەتی تورکە لەگەڵ گەل و ستاتۆ و بوون و ئیرادەی گەلی کوردستان.
پێویستە لایەنە سیاسییەکان، بەتـایبەت رایەدارانی ھەرێمی کوردسـتان و ئەوپـارتـانەی کە لەنـاو حـوکومەتـدان بە ئـاشکرا و بەبێ تـرس دەسـتبخەنە سەر بـرینەکە و رێگە لە پـلان و دەسـتی دوژمـن بـگرن و راسـتەوخۆ دەسـتنیشانی ئەو لایەن و گـروپـانە بکەن کە بۆ قازانجی خۆیان ئامادەن قوربانی بە گەلی کوردستان و دەستکەوتەکانی بدەن .
لەسەر نـاوی ھەزاران رۆڵەی گەلی کوردسـتان لەھەمـوو جێیەکی دونیاوە، کەسـایەتی و رۆشنبیر و خەڵکانی دڵسۆز بۆ گەل و خـاکی کورسـتان؛ بـانـگ لەگەلی خۆمـان دەکەین، بـانـگ لە کوڕان و کچانی پیشمەرگە دەکەین کە بـاھەمـوو پێکەوە رێگە بـگرین لە ھەڵگیرسـانـدنەوەی شەڕی مـاڵوێرانکەری خۆکوژی. لەبەردەم ویژدانی خۆمـانـدا بـوەسـتین و دەسـتبخەینە سەر برینەکەو بەتوندی بەگژ پلانی دوژمنانی گەلی کوردستاندا بچینەوە.
سەربەرزی و سەرکەوتــن بۆ خەبــاتکاران و گیانفیدایانی گەلی کوردســتان. شەھیدانی پێشمەرگە و شەرڤان و گەریللای ئـازادیی کوردسـتان روومەت و نـاسـنامەی وڵاتـن. بەھیوای پـاشەرۆژێکی رۆشـنتر سەقـامگیر و ئـازاد بۆ گەلی بە روومەت و بە حورمەتی کوردستان.
ئیمزای ئەندامانی ژووری قەیران:
١-دوکتۆر کرمانج گوندی؛ پرۆفیسۆر، زانکۆی تێنیسسی - وڵاتە یەکگرتووەکانی ئەمریکا
٢ -نەجمەدینی غوڵامی؛ ھونەرمەند - سوید
٣ -کینیاس حەمید، پەرلەمانتار- ئەرمەنستان
٤ -زۆزان دێریک، ئەندامی ڕەوەبەری پەیەدە - ئەوروپا
٥ -دوکتۆر سیڤان سەعید، پرۆفیسۆری یاریدەدەر، زانکۆی شانشی- چین
٦ -گونەی ئاسلان، ڕۆژنامەوان - ئەوروپا
٧ -میران میراودەلی، نوەنەری بزوتنەوەی گۆڕان - ئەوروپا
٨ -مەنسور رەزاقی، رۆژنامەوان - ئوستورالیا
٩ -کاوە جەباری، جێگری سەرەۆکی ماڵی کورد - کەنەدا
١٠ -ساسان مێھرابی، ئەندامی رێوەبەری پلاتفۆرمی یارسان- ئەوروپا
١١ -عەزیزجەھۆ، رۆژھەڵتناس، روسیا
١٢ -ژاڵانە نەقشبەندی، رۆژنامەوان - بەلجیکا
١٣ -دوکتۆر دانا سەعید، پزیشک - ئەڵمانیا
١٤ -حاجی حەسەن بیسۆ، نوێنەری پارتی ئازادی دیموکراتیکی ئێزیدییان- ئەوروپا
١٥ -یاشار کوجوک ئاسڵن؛ ۆارتی ئازادیمیزۆپۆتامیا (پارتی ئاشوری)- ئەوروپا
١٦ -مەحمود داود، ئەندامی کۆمیتەی پارتی دیموکراتی کوردی سوریا - ئەوروپا
١٧ -لەیلا ئیمرەت، ھاوسەرۆکی ھەدەپەی ئەڵمانیا شارەداری پێشووی جیزرە - ئەڵمانیا
١٨-نوپەل مونزور، ئەندامی ڕێوەبەری رەڤگەری ژنانی کوردستان- ئەوروپا (تەژەکە-ئێ)
١٩ -مەحموود نووری، نوێنەری بەرەی فەیلی لە ئەوروپا.
٢٠ -جانۆ شاکر، شاعیر و رۆژنامەوان - ئەوروپا
٢١ -چەلیک یەڵدز، ھاوسەرۆکی ناڤ-یەک، کۆردیناسیۆنی ئەزدی لەدەرەوەی وڵات
٢٢ -کادار پیری، دەزگای کوردی بێسنوور، رۆژنامەوان - فەرەنسا
٢٣ -محەمد حاجی ئەحمەد زێبا، نوێنەری ئەوروپای حیزبی شوعی کوردستان
٢٤ -سەبری ئەریگیت، بەرپرسی پارتی ئیسلامی کوردستان- ئەوروپا
٢٥ -زەردەشت ھۆرامی، پلاتفۆرمی ھۆرام - بەریتانیا
٢٦ -دوکتۆر زەینەب بینیجی، کاردیۆلۆگ - دانمارک
٢٧ -داود ئۆوسەمە؛ نوێنەری ڕێوەبەری جڤاکی ئیسلامی - ئەوروپا
٢٨ -نەجدال دیشلی، پارێزەر - ئەوروپا
٢٩ -محەممەد بیللی، پارتی چەپی کوردی لە سوریا- ئەوروپا
٣٠ -دەمیر چەلیک، ھاوسەرۆکی فیدراسیۆنی دیموکراتیکی عەلەوی (فەدا) - ئەوروپا
٣١ -دوکتۆر عەدنان ئەمین، سایکۆلۆگ، دەزگای کوردی- ئەڵمانی - ئەڵمانیا
٣٢ -دوکتۆر رزگار قاسم، سەرکۆی تەڤگەری نوێە کوردستان- سوریا - ئەوروپا
٣٣ -مەھدی کۆری، حیزبی زەحمەتکێشانی کوردستان- ئەوروپا
٣٤ -یوکسەل کۆچ، ھاوسەرۆکی کۆنگرەی جڤاکی دیموکراتیک - ئەوروپا (کەجەدە- ئا).
ژ.ت
