سکرتێری گشتی پارتی باستا، فرانزیسکا ستێر ، کە پارتەکەیان لە بواری ئیکۆلۆژی، فێمینستی و سۆسیالیستییدا کار و خەبات دەکەن، بەناوی پارتەکەیەوە بەشداری کەمپینی "دەمەوێت لەگەڵ ئۆجالان دیدار بکەم" بوو. هەڵمەتەکە لەسەر ئاستی نێونەتەوەیی لەلایەن کۆڕبەندی ئاشتی و ئازادی ئەوروپا (EFFP)ەوە دەستپێکراوە و ئامانجی هەڵمەتەکە دیدارکردنە لەگەڵ ڕێبەر ئاپۆدا. هەڵمەتەکە لە قۆناغی یەکەمییدا لەسەر ئاستی کەسایەتی و پارت و ڕێکخراوە نێونتەوەییەکان ئەنجام دەدرێت.

سەرۆکی گشتی پارتی باستای سویسری، فرانزیسکا ستێر بۆ دیدارکردنی ڕێبەر ئاپۆ لە دوورگەی ئیمراڵی نامەیەکی ئاڕاستەیی وەزارەتی دادی تورکیا کرد و دواکاری بۆ ڕۆشتنە ئیمراڵی کردووە.

لە نامەکەدا کە لە ٧ـی حوزەیرانی ٢٠٢٥دا نێردراوە، ئاماژە بە کاریگەر و دەنگدانەوەی 'بانگەوازی ئاشتی و کۆمەڵگەی دیموکراتیک'ـی ٢٧ی شوباتی ڕێبەر ئاپۆ کراوە لە ئاستی نێونەتەوەییدا و بە بانگەوازییەکی مێژوویی بۆ چارەسەری و هێنانەئارای ئاشتی پەسن کراوە.

فرانزیسکا ستێر ئاماژەی بەوەدا بانگەوازیییەکی ڕێبەر ئاپۆ بۆ بونیاتنانی جێگەیەکی شایستە بەژیان هەلێکی مێژووییە و گوتی: "تاوەکوو چاوم بە بەڕێز ئۆجالان نەکەوێت، ناتوانم بە قوڵی و کاریگەرتر لە فیکر و ڕوانگەکانی تێبگەم.". فرانزیسکا ستێر دەستنیشانی کرد ئامانجەکەی لە بەشداری کەمپینەکە بۆ ئەم هۆکارە دەگەڕێتەوە و هیوایی خواستووە بە بێ هیچ ڕێگرییەک بتوانێت ڕێبەر ئاپۆ ببینێت.

فرانزیسکا ستێر جەختی لە پێویستی ڕەخساندنی هەلومەرجەکانی بانگەوازییەکی ڕێبەر ئاپۆ کردووەتەوە و دەڵێت: "بۆ ئایندەی تورکیا، کوردستان و ڕۆژهەڵاتی ناوەڕاست پێویستە چارەسەری یەکسانی و دیموکراتیکی بڕەخسێندرێت."