پارێزەران بەمەبەستی رۆیشتن بۆ ئیمراڵی داواکارییان بەرزکردەوە
پارێزەرانی نوسینگەی یاسایی سەدە بۆ ئەوەی بتوانن چاویان بە موەکیلەکەیان، رێبەری گەلی کورد عەبدوڵا ئۆجالان بکەوێت، سەرلەنوێ داواکارییان بەرزکردەوە.
پارێزەرانی رێبەری گەلی کورد عەبدوڵا ئۆجالان سەردانی داواکاری گشتیی کۆماری لە بورسا و بەڕێوەبەرایەتی زیندانی ئیمراڵییان کرد.
لە پارێزەرانی نوسینگەی یاسایی سەدە رەزان ساریجا، رازیە ئۆزتورک، فایەق ئۆزگور ئەرۆڵ و مەزڵوم دینچ داواکەیان بۆ ئەنجامدانی دیدار بەرزکردەوە.
پارێزەران هەروەها بۆ دیدار لەگەڵ زیندانیانی دیکە لە ئیمراڵی عومەر خەیری کۆنار، حامیلی یەڵدرم و وەیسی ئاکتاشیش هەمان داواکارییان بەرزکردەوە.
نزیکەی ٤ ساڵە بە هیچ جۆرێک هەواڵی رێبەری گەلی کورد عەبدوڵا ئۆجالان نازانرێت و رێگە بە دیداری پارێزەران و بنەماڵەکان نادرێت و گۆشەگیری رەها لە ئیمراڵی پەیڕەو کراوە.
