په‌رله‌مانتاری سویسڕی فابیان مۆلینا له رێگه‌ی هه‌ژماری خۆی له تۆڕه كۆمه‌ڵایه‌تیه‌كان بانگه‌وازی بۆ راگرتنی شه‌ڕ له دژی كوردان كرد. داوای له حكومه‌تی بێرن كرد كه رێوشوێن به‌رامبه‌ر ئه‌ردۆغان و كه‌سانی ده‌وروبه‌ری بگرێته‌به‌ر.
په‌رله‌مانتاری په‌رله‌مانی نه‌ته‌وه‌یی سویسڕا فابیان مۆلینا له پارتی سۆسیالیست بۆ كۆتاییهێنان به هێرشه داگیركارییه‌كانی ده‌وڵه‌تی تورك له‌سه‌ر رۆژئاوا و باشوری كوردستان، له هه‌ژماری خۆی له تۆڕه كۆمه‌ڵایه‌تیه‌كان په‌یامێكی ڤیدیۆیی بڵاوكرده‌وه.
Es ist wichtig, dass die Schweiz @ParlCH immer fürs Völkerrecht einsteht.#SanctionTurkey
— Ronahî (@DeylemRojAvJin) September 14, 2022
Diese Krieg gegen die Kurd*innen müssen gestoppt werden! @ignaziocassis@s_sommaruga@BR_Sprecher@SwissMFA@EDA_DFAE@Amnesty_Schweiz@FabianMolinaNR
↕️↕️ https://t.co/ei7qJHj0XB pic.twitter.com/N6HQDMqBak
مۆلینا كه هاوكات وته‌بێژی په‌یوه‌ندییه‌كانی ده‌ره‌وه‌ی پارتی سۆسیالیسته هه‌ستیاری رای گشتیی نێونه‌ته‌وه‌یی بۆ سه‌ر شه‌ڕی روسیا له ئۆكرانیای به بیرهێنایه‌وه و رایگه‌یاند، كه هه‌مان هه‌ستیاری له دژی شه‌ڕ بۆ سه‌ر كوردان نیشان نادرێت. مۆلینا ئه‌م بانگه‌وازه‌ی ئاراسته‌ی حكومه‌تی بێرن كرد:
"كاتێك له‌و دیمه‌نه ده‌ڕوانیت، سه‌رۆككۆماری تورك ئه‌ردۆغان له باكوری عێرراق و باكوری سوریا دوو شه‌ڕی خوێناوی به‌ڕێوه‌ده‌بات. رای گشتی نێونه‌ته‌وه‌یی كه به ناڕه‌زایه‌تی و پشتیوانیه‌كی گه‌وره‌وه به‌رامبه‌ر شه‌ڕی ئۆكرانیا وه‌ستایه‌وه، ئه‌و دوو شه‌ڕه‌ی له بیركردووه. هه‌ربۆیه سویسڕا له دژی ئه‌ردۆغان و ده‌وروبه‌رییه‌كانی كه ئه‌م شه‌ڕه به‌ڕێوه‌ده‌به‌ن ده‌بێت رێكاری پێویست بگرێته‌به‌ر. پاراستنی یاسای نێونه‌ته‌وه‌یی و جێبه‌جێكردنی ئه‌و یاسایه بۆ سویسرا به‌رده‌وام گرنگ بووه. ئه‌م شه‌ڕه‌ی له دژی كوردان رابگرن".
هـ . ب
