ڕێپێوانەکەدا بە شەقامەکانی شاری نانت بە وتنەوەی درووشم و بەرزکردنەوەی ئاڵا و وێنەی ڕێبەر ئاپۆ و هەڵگرتنی پانکارتی 'کۆتایی بە گۆشەگیری دەهێنن-فاشیزم هەڵدەوشێنیینەوە- کوردستان ئازاد دەکەین" تا گۆڕەپانی بازرگانی نانت پلەس بەردەوام بوون و دواتر بە گردبوونەوەی جەماوەری گەل بەیاننامەیەکی ڕۆژنامەوانیان خوێندەوە.

چالاکوانان دەسنیشانیان کرد چالاکییەکە لە چوارچێوەی هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد"دا ئەنجامدراوە و ڕایانگەیاند کە لە ٢٦ی شاری فەرەنسادا سوڕی چالاکییەکانیان لە چوارچێوەی خەباتی دیبلۆماسی، گردبوونەوەی گەل، سەردانیکردنی ماڵاندا ئەنجام دەدرێت.

لە چالاکییەکەدا بانگەوازی بۆ بەشداربوون لە ڕێپێوانی درێژی ٢٦ ڕۆژە و ڕێپێوان و گردبوونەوەی گەورە کرا کە لە ١٥ی شوباتدا لە شاری ستراسبۆرگی فەرەنسا ئەنجام دەدرێت.

چالاکوانان لە لایەن کوردستانیانی دانیشتووی فەرەنسا و هاوڵاتیانی فەرەنسا پێشوازییان لێکرا و دوای گربوونەوەیەکی بەفراوانی گەل و خوێندنەوەی بەیاننامەیەکی ڕۆژنامەوانی ڕێپێوانەکەیان دەستپێکرد.

لە ڕێپێوانەکەدا زانیاری لەسەر گۆشەگیری ئیمراڵی و سیستەمی قڕکردن بڵاوکرایەوە.