چالاکوانان لە گۆڕەپانی پیزا میرتی لە ناوەندی شاری رۆما کۆبوونەوە و بە رێکخستنی چالاکییەک ١ی نۆڤەمبەر رۆژی جیهانیی کۆبانێیان پیرۆز کرد.

چالاکوانان لە چوارچێوەی هەڵمەتی "گۆشەگیری، فاشیزم و داگیرکەری بەسە، کات کاتی ئازادییە" داوای ئازادیی عەبدوڵا ئۆجالان رێبەری گەلی کوردیان کرد.

لە چالاکییەکەدا ڤینسینزۆ مولیکسی بە ناوی تۆڕی کوردستان (RETE Kurdistan)ەوە وتەیەکی پێشکەشکرد و باسی لەوەکرد، کە بەرخودانی کۆبانێ لە دژی عەقڵییەتی داعشی فاشیست و داواکەوتوو داستانێکی گەورەی بەرخودان بوو و وتی، "مێژوو و مرۆڤایەتی بە شۆڕش لە رۆژئاوا و بەرخودانی قارەمانانە و ئەفسانەیانی کۆبانێ دەزانێت و بەوە دەیانناسێتەوە".

چالاکوانان ستافیتا سانیتاریا و ئۆسڤاڵدۆ گیویانۆ لە گۆڕەپانی چالاکییەکەدا وتەیان پێشکەشکرد و رۆژی جیهانیی کۆبانێیان پیرۆز کرد و داوای ئازادیی عەبدوڵا ئۆجالانیان کرد.

چالاکییەکە بە وتنەوەى دروشم کۆتایی پێهات.

ژ.ت