لە راگەیاندراوی کۆمیتەى نێونەتەوەیی (IC) سۆسیالیستە دیموکراتیکەکانی ئەمریکا (DSA)دا هاتووە، بە توندی گوشارەکانی دەسەڵاتی نەژادپەرەستی ئاکەپە – مەهەپە لەسەر هەدەپە ئیدانە دەکەین.

لە راگەیاندراوەکەدا باس لە سکاڵا بۆ داخستنی هەدەپە و هەڵوەشاندنەوەى پەرلەمانتاریی عومەر فاروق گەرگەرلی ئۆغڵو و پەرلەمانتارانی تری هەدەپە کراوە و راگەیاندراوە، ئەو گوشارانە نوێ نین.

لە راگەیاندراوەکەدا هاتووە، زۆربەى هاوسەرۆک شارەوانییە هەڵبژێردراوەکانی هەدەپە ئەرک و کارەکانیان لێوەرگیراوەتەوە و لە بریی ئەوان قەیوم داسەپێنراوە. ئەوەش هەڵسوکەوت و رەفتارێکی گاڵتەپێکردن و دژە دیموکراتیکە.

لە راگەیاندراوەکەدا ئەوەش هاتووە، پشتیوانی لە هێزە دیموکراتیک و سۆسیالیستەکان دەکەین، کە لە بەرامبەر فاشیزمی ئاکەپە – مەهەپەدا وەستاونەتەوە.

سۆسیالیستە دیموکراتیکەکانی ئەمریکا (DSA) لە راگەیاندراوەکەیدا داوای لە زیاتر لە ٨٥ هەزار ئەندامی خۆی کردووە، بە هەستیارییەوە سەرنجیان لەسەر هەدەپە بێت و دەبێت بۆ پشتیوانکردن لە هەدەپە کار بکەن.

ژ.ت