دۆناڵد ترامپ سەبارەت بە هێرشەکانی ئیسرائیل بۆ سەر ئێران لە پەیامێکدا گوتی: "تا ئێستا مردن و وێرانکارییەکی گەورە ڕوویداوە، بەڵام هێشتا کات ماوە بۆ ئەوەی ئەم کۆمەڵکوژییانە کۆتایی پێبێت. هێرشە پلان بۆداڕێژراوەکانی داهاتوو توندتردەبن."
سەرۆکی ئەمریکا دۆناڵد ترامپ، پەیوەست بە هێرشەکانی ئیسرائیل لەسەر ئێران لەسەر پلاتفۆرمی (TRUTH Social) تروس سۆشیاڵ پەیامێکی نوێی بڵاوکردەوە و گوتی: "بۆ ئەوەی لەگەڵ ئێران ڕێکەوتنێک ئەنجام بدرێت چانسێکم بەواندا. پێم وتن ئەمە تەنانەت لەوە خراپترە کە پێشبینی دەکەن، ئەمریکا باشترین و کوشندەترین چەک لە جیهاندا بەرهەم دەهێنێت و ئیسرائیلیش ئەو چەکانەی هەیە و دەزانێت چۆن بەکاریان بهێنێت."
هۆشیاریدان بە بەردەوامی و توندی هێرشەکان لە داهاتوودا
هەروەها ترامپ جەختی لە ملکەچبوونی ئێران بۆ ڕێککەوتنی ئەتۆمی کردووەتەوە و دەڵێت: "باسی هەندێک لایەنگری توندڕەی ئێرانی بە بوێرانە قسەیان کرد، بەڵام نەیدەزانی چی ڕوودەدات. تا ئێستا مردن و وێرانکارییەکی گەورە ڕوویداوە، بەڵام هێشتا کات ماوە بۆ ئەوەی ئەم کۆمەڵکوژییانە کۆتایی پێبێت. هێرشە پلان بۆ داڕێژراوەکانی داهاتوو توندتر دەبن. ئێران هیچ شتێکی لە پێش نەماوە دەبێت ڕێککەوتن بکات."
