هونەرمەندانی ئەندامی تەڤ-چاند و کەوانی زێڕین، لە کۆڵنی ئەڵمانیا کۆبوونەوە و بۆ ئازادی ڕێبەری گەلی کورد عەبدوڵا ئۆجالان چالاکیان ئەنجامدا. چەندین هونەرمەند و سینەماکارا و مامۆستای هەڵپەڕکێی فۆلکلۆر ئامادەبوون.

پاش خولەکێک ڕێزگرتن، ڕاگەیاندراوی هاوبەشی تەڤ-چاندی و کەوانی زێڕین خوێنرایەوە، گوترا: "گۆشەگیریی ڕێبەر ئاپۆ لە بنەڕەتدا گۆشەگیرییە لەسەر ئازادی فیکری سیاسی و پرۆسەی ئاشتی. گۆشەگیریی نایاساییە و ئەشکەنجەیە. بۆ ئەوەی ئەم گۆشەگیرییە بشکێنین، دەست دەکەین بە "کەمپەینی چاند و هونەر بۆ ئازادی ئۆجالان".

ئەندامانی تەڤ-چاند و کەوانی زیرین لە شارە جیاوازەکانی ئەڵمانیا و بەلجیکا و فەرەنسا بەشدارییان لە چالاکییەکەدا کرد و ڕایانگەیاند کە ئەوانیش بەشدارییان لە چالاکییەکانی دژ بە گۆشەگیری لەو ناوچانە کردووە کە تێیدا دەژین.

هاوسەرۆکی کەجەدەکە-ئە، زوبەیدە زومروت، گوتی: "پێوەری سەرەکی گەلی کورد هەڵگرتنی گۆشەگیری سەر ڕێبەر ئاپۆ و بەدەستهێنانی ئازادییە. ئەم کەمپەینە کاریگەرییەکی مەزنی هەبوو. سوپاسی هەموو کەسانی پشتیوانمان دەکەین".

هونەرمەند بە بە ستران و مۆسیقا، کەشێکی هونەریان ئافراند و ڕیزی هەڵپەڕکێ بەسترا. هەروەها تابلۆی هونەرمەندان نمایشکرا.

لە چالاکییەکەدا، گەنجان پۆستەرێکی گەورەیان هەڵگرت کە لە ٨ بەش پێکهاتبوو و بە زمانی ئەڵمانی لەسەری نوسرابوو "ئازادی بۆ عەبدوڵا ئۆجالان".

پاشان هونەرمەندان پێکەوە سروودی "چەرخی شۆڕشە"یان گوتەوە و چالاکییەکە کۆتایی هات.