بە پێشەنگایەتی تەڤ چاندی لە چوارچێوەی هەڵمەتی "ئازادی بۆ عەبدوڵا ئۆجالان، چارەسەری سیاسی بۆ پرسی کورد" لە زیوریخ چالاکییەکیی هونەری ئەنجامدرا.

لەسەر ناوی تەڤگەری چاند و هونەری کوردی سویسرا، هونەرمەند کاوە قسەی کرد، تیشکی خستەسەر گۆشەگیری ڕێبەری گەلی کورد عەبدوڵا ئۆجالان و پیلانگێڕیی ١٥ ی شوبات.

پاشان ئاماژەی کرد بە هەڵمەتی ئازادی و ڕایگەیاند ئەمساڵ ساڵی مسۆگەرکردنی ئازادی ڕێبەری گەلی کورد عەبدوڵا ئۆجالان دەبێت. پشتگیری هونەرمەندانی بۆ هەڵمەتەکە دووپات کردەوە.

کاوە بانگەوازی کرد بۆ بەشداربوون لە ڕێپێوانەکەی سبەی لە بازل و گوتی: "هەڤاڵانمان کە خاوەندارێتی لە فەلسەفەی ئازادی ڕێبەر ئاپۆ دەکەن، ڕێپێوان دەکەن و داوای ئازادی ڕێبەر ئاپۆ دەکەن".

هەروەها بانگەوازی کرد بۆ بەشداربوون لە ڕێپێوانی ١٧ ی شوبات لە کۆڵن.

پاشان ڕاگەیاندراوێکی ئەڵمانی دەربارەی چالاکییەکەی تەڤ چاند و کەوانی زێڕین خوێنرایەوە، تێیدا ئاماژە بەوە کراوە، ڕێبەری گەلی کورد عەبدوڵا ئۆجالان بۆ چاند و هونەر خەباتی کردووە. دیدی وی بۆ بەهای مرۆڤایەتی و سرووشت و دیموکراسی و ژنان لای هەموو گەلانی جیهان قبووڵکراوە.

لە ڕاگەیاندراوەکەدا ئاماژە کراوە بە هەڵمەتی ئازادی، کە ئازادی ڕێبەری گەلی کورد عەبدوڵا ئۆجالان وەک مەرجێک بۆ دەسپێکردنی پرۆسەی ئاشتی لە تورکیا و تەواوی هەرێمەکە دەبینێت.

هەروەها گوتراوە: "ئێمە وەک ڕۆشنبیر و نوسەر و هونەرمەند و خەباتکارانی چاندی کوردستان لە ئەوروپا، بانگەواز لە هەموو لایەنگرانی دیموکراسی دەکەین، هەموو شتێک بکەن بۆ خاوەندارێتی لەم هەڵمەتە ڕەوا و گرنگە.

دژی توندوتیژی دەوڵەت و فاشیزم و نەژادپەرستی، تەنها فەلسەفەی چاند و هونەری ئازاد دەتوانێت هەبوونی جڤاکی ئازاد مسۆگەر بکات".

پاشان بانگەوازکرا بۆ بەشداربوونی بەهێز لە ڕێپێوانی ١٧ ی شوباتی کۆڵن.

پاشان لەلایەن کۆمەڵەیەکی چاند و هونەری کوردی سویسراوە، هەڵپەڕکێ و شانۆ نمایشکران. کەسانی دەوروبەریش بە گەرموگوڕی پێشوازیان لە چالاکییەکە کرد.