محەمەد تورگای کە لە زیندانی ئاسایشی باڵای بوردور زیندانی کرا بوو، ئەمڕۆ ئازاد کرا. محەمەد تورگای لە ١٩٩٢ لە ئەدەنە لە لایەن دادگای ئەمنی دەوڵەت (DGM) بە تۆمەتی "تێکدانی یەکێتی و ئارامی دەوڵەت" سزای هەتاهەتایی بەسەردا سەپێنرا بوو. تورگای لە پێش زیندانەکە لە لایەن خزمەکانی، بەڕێوەبەرانی پارتی یەکسانی و دیموکراسی گەلان (دەم پارتی) و توای دەر پێشوازی لێکرا.
تورگای سوپاسی خۆی ئاراستەی جەماوەر کرد و گوتی: "بەرخۆدان ژیانە". 
پاشان تورگای ڕۆشتەوە لای بنەماڵەکەی لە گەڕەکی داغڵ ئۆغلو ناوچەی سەیحانی ئەدەنە. گەل لە پێش ماڵی تورگای کۆبوونەوە  و بە یاری ئاگرین پێشوازییان لێکرد.