لە شاری دەن هاگی هۆڵەندا، یادی قوربانیانی کۆمەڵکوژی ٣ی ئابی ٢٠١٤ کرایەوە کە بە دەستی چەتەکانی داعش ئەنجامدرا.

لەسەر بانگەوازی ناوەندی کۆمەڵگەی کوردی دیموکراتی دەن هاگ، کوردستانیان و دۆستەکانیان، لەبەردەم شارەوانی دەن هاگ کۆبونەوە و میتینگیان ئەنجامدا. لە میتینگەکەدا یادی قوربانیانی کۆمەڵکوژی شەنگال و شەهیدانی تێکۆشانی ئازادی کوردستان بە خولەکێک رێزگرتن کرایەوە.

لە قسەکردنەکاندا، راگەیەنرا کە چەتەکانی داعش بە پشتگیری دەوڵەتی داگیرکەری تورک، لەبەرچاوی جیهان کوردانی ئێزدی قڕکرد.

هەروەها باسی ئەوەکرا کە گەلی کورد و کۆمەڵگەی ئێزدی، تاوەکو ئێستاش مەترسی قڕکردنی لەسەرە و تەئکیدکرایەوە کە دەوڵەتی تورک دەیەوێت تۆڵەی داعش بکاتەوە.

هەروەها راگەیەنرا کە گەریلاکان گەلی خۆیان پاراستن، لەبەردەم قڕکردن وەستانەوە و هێزەکانی بەرگری جەوهەری گەلی کورد تاوەکو ئێستاش لە 'لیستی تیرۆردایە' ئەوەش بۆ ئەوروپا شەرمێکی گەورەیە.

لە کۆتاییدا داوا لە حکومەتی هۆڵەنداکرا کە قڕکردنی ئێزدیان بناسێت و ئەنجامدەران سزا بدات.

ف.ق