ئۆلاف سچولز سەرۆکوەزیری ئەڵمانیا تویتێکی بڵاوکردەوە و وتی، " لە ئێران کوشتنی مرۆڤەکان کە خۆپیشاندانی ئاشتیانە ئەنجام دەدەن، تووشی سەرسوڕمانیان کردم، توندوتیژی هێزە ئەمنیەکان کە پێوانەی نییە شەرمەزار دەکەین و پشتگیری لە گەل دەکەین."

سچولز هەروەها رایگەیاند، " سزاکانی یەکێتی ئەوروپا گرنگن، ئێمە بیر لە رێوشوێنی زیاتر دەکەینەوە." و جگە لەوە هیچ زانیاریەکی دیکەی بڵاونەکردەوە.

رۆژێک لەمەوبەریش ئانالینا بیر بۆک وەزیری دەرەوەی ئەڵمانیا رایگەیاندبوو، ئەوان تاوتوێی ئەوە دەکەن کە سوپای پاسداران وەک ' رێکخراوێکی تیرۆریستی' بناسێنن. لەبەرئەوەی لە ٤٥ رۆژی رابردوودا بە سەدان کەس کوژراون و بە هەزاران کەسیش دەستگیرکراون.

یەکێتی ئەوروپا لە ١٧ی تشرینی یەکەمدا گەمارۆی خستە سەر پۆلیسی ئەخلاق و ١١ بەڕێوەبەری ئێرانی.

ف.ق