ئەندامانی کۆمیتەی شەهید سەما یوجەی تەڤگەری شۆڕشی هاوبەشی گەلان (نەبەدەهە) راگەیەنراوێکیان بڵاوکردەوە و وتیان، "رۆژی ٢٠ی ئازاری ٢٠٢١، کاتژمێر ٠٠:٠٣ لە گەڕەکی فاتیحی ئاگری لە کۆڵانی یاشار ئەڕیڵماز، ئۆتۆمبێڵی کارکردنی هاوکارانی ئاکەپە و مەهەپە سووتێنران. ئەم چالاکیە بۆ خانەوادەت گۆنگۆر و هەموو هاوکارەکان هۆشداریەکە. بۆ ئەوەی ئیدی هاوکاری دوژمن نەکەن و بۆیەش چالاکیمان ئەنجامداوە."

لە راگەیەنراوەکەدا باسی ئەوەشکرا، "دەوڵەتی فاشیزم هەرچەند هەوڵ دەدات بەڵام ناتوانێت ئێمە لە زمان و کەلتور و ناسنامەمان دوور بخاتەوە. هەرچەند بە بانگەشە لەسەر ژیانی عەبدوڵلا ئۆجالان ڕێبەری گەلی کورد دەکەن، هەروەها هەوڵی داخستنی هەدەپە دەدەن و هێرش دەکەنە سەر باشور و رۆژئاوای کوردستان، بەڵام ناتوانن سەربکەون. کەسانی داگیرکەر یاری بە ئاگر دەکەن و لە کۆتاییدا ئاگرەکە دەیانسووتێنێت. پێویستە ئەوانەی خیانەت دەکەن و هاوکاری دوژمنن، دەست لە هاوکاریەکان و خیانەت هەڵگرن.

لە کۆتایی راگەیەنراوەکەدا، سڵاو خۆیان بۆ بەرخۆدانی گارە و زیندانەکان پێشکەش کرد و لەبەرانبەر بانگەشەکان لە ئیمڕالی بانگی چالاکی و هوشداری کرا.

ف.ق