چالاکی ئێشکگری دادپەروەری لە ئیستەنبوڵ بە پێشەنگایەتی کۆمەڵەی هاوکاری و پشتگیری بنەماڵەی زیندانی و حکومدراوانی مەڕمەڕە بەردەوامە.

چالاکییەکە لە ١٠٠ هەمین ڕۆژدا لە بینای دەم پارتی لە ناوچەی سوڵتانغازی بەردەوامە.

لە هۆڵی چالاکییەکە پانکارتی "بۆ بنیاتنانی ژیانێکی ئازاد گۆشەگیری دەشکێنین، دەبینە دەنگی زیندانیان" و "بۆ دادپەروەری گۆشەگیری دەشکێنین، بۆ ئاشتی جڤاکی دەبینە دەنگی زیندانەکان" بە زمانی کوردی و تورکی هەڵواسران.

چالاکوانان یەلەکی سپیان پۆشی بە کوردی و تورکی لەسەر نوسرابوو "گۆشەگیری تاوانی مرۆڤایەتیە" و بەردەوام درووشمی "بژی بەرخۆدانی زیندان" و "زیندانەکان دەڕوخێن، ئازادی بۆ زیندانیەکان" و "بژی سەرۆک ئاپۆ" بەرزکرانەوە. 

زوبەیدە ئینجی لە چالاکییەکەدا ڕایگەیاند سەرەڕای قەدەغەی دەوڵەت خاوەنداریان لە نەورۆز کردووە و گوتی: "نەورۆز جەژنێکی دێرینی جیهانە، سەرەڕای قەدەغە و فشاری سیستەم، ئەم گەلە لە ڕاستی خۆی دوور ناکەوێتەوە. نەورۆز لە هەموو دایکان پیرۆز دەکەم".