لە ١٢هەمین ساڵوەگەڕی چالاکی گەزیێ دا، لە گوڤەن پارکی ئەنقەرە، کە تیایدا ئەتهەم سارسولوک تیرۆر کرا چالاکییەک بەڕێوەچوو. جەماوەر لە گەڕەکی کزلای چانکایا کۆبوونەوە و بەرەو گوڤەن پارک دەستیان بە ڕێپێوان کرد. لە ڕێپێوانەکەدا دروشمی "گەزیێ لەبیری ناکات و نە‌هێڵێت لەبیربچێت، شەهیدانی گەزیێ نامرن"، "بەرخۆدانی گەزیێ لە تێکۆشانی گەنجاندا دەژیت"، "بژی سەرهەڵدان، بژی شۆڕش" و "هاوڕێ ئەتهەم  نامرێت" و "دیسان دیسان سەرهەڵدان" وترایەوە.

هەروەها لە کاتی ڕێپێوانەکەدا وێنەی سری سورەیا ئۆندەر ئەندامی شاندی ئیمرالی دەم پارتی و جێگری سەرۆکی پەرلەمان بەرزکرایەوە. پۆلیس هەوڵیدا ڕێگری لە ڕێپێوانەکە بکات بەڵام جەماوەر بەربەستەکانی پۆلیسیان تێپەڕاند و گەیشتنە گوڤەن پارک.

پاش لێدوانەکان پۆلیس هێرشی کردە سەر جەماوەر. هاوکات جەماوەر بە درێژەدان بە ڕێپێوانەکەیان و وتنەوەی دروشمەکان  وەڵامی گەمارۆی پۆلیسیان دایەوە.