بە پێشەنگایەتیی دەستپێشخەری "ئازادی بۆ عەبدوڵا ئۆجەلان" و بە ئامانجی هەڵگرتنی گۆشەگیری و مسۆگەرکردنی ئازادی جەستەیی ڕێبەر ئاپۆ، لە ٢٥ حوزەیرانی ٢٠١٢وە چالاکی ئێشکگری ئازادی بەڕێوە دەچێت.

هەر هەفتە و لە وڵاتێکی جیاوازی ئەوروپا گرووپێک چالاکییەکە وەردەگرن. لە هەفتەی ٦٤٥هەمیندا، ٥ وڵاتپارێز کە لە هەرێمی زیوریخی سویسراوە هاتبوون چالاکییەکەیان وەرگرت.

گرووپە ئێشکگرەکەی زیوریخ بریتی بوون لە تانجو ئەرەن، عەلی کارا، محەمەد شەکەر، زەکی گونەر و جونەید عەلیجی.

عەلی کارا بەناوی گرووپەکەوە قسەی کرد و وتی: "تاکو ئازادکرنی جەستەیی ڕێبەر ئاپۆ ئێمە بەبێ دابڕان درێژە بە تێکۆشان دەدەین".

کارا داوای لە ڕێکخراوە نێونەتەوەییەکان کرد  وتی: "دەبێت دەستبەجێ هەنگاو بۆ ئازادی جەستەیی ڕێبەرێتیمان بنرێت."

تانجو ئەرەن کە یەکێکی دیکەیە لە ئەندامانی گرووپەکە، ئاماژەی بەوە کرد تاکو گرووپێکی دیکە چالاکییەکەیان لێوەردەگرێت بەردەوام دەبن و وتی: "ئەم ئێشکگرییە تاکو ئازادی جەستەیی ڕێبەر ئاپۆ بەردەوام دەبێت."

ڕاشیگەیاند، سەرەڕای ئەنجامدانی دیدار لەگەڵ ڕێبەر ئاپۆ گۆشەگیری بەردەوامە و تا هەڵگرتنی گۆشەگیری هیچ پرۆسەیەک تاوتوێ ناکرێت.