کوردیناسیۆنی ژنانی گەنجی هەدەپە  بە بۆنەی ٨ی ئادار ڕۆژی جیهانی ژن لە مێردین کۆبوونەوەیەک-یان بەریوەبرد. ئێبرۆ گۆنای وتەبێژی هەدەپە، ئایشە ئاجار باشاران  وتەبێژی مەجلسی ژنانی هەدەپە و دەرسیم داغ پەرلمانتاری هەدەپەی مێردن بەشداری کۆبوونەوەکە بوون.

ئیبرۆ گۆنای ئەوەی خستەڕوو کە گەنجان بەردەوام سەرچاوەی هێز و ورەن و وتی، " هەر هەرشوێنێک هێرش دەکەنە سەر گەنجان و بەتایبەتی ژنانی گەنج و دەخوازن ئەوان تێک بشکێنن. بەڵام ئێمە ئەرؤکە لە مێردین دیمان، ئێوە درێژەدەری ئەم تەڤگەرەن کە دەڵێت' ئێمە بە گەنجان دەستمان پێکرد و بە گەنجانیش سەربکەوین'. بەم ورەوە لەدژی دەسەڵاتداری، گەنجی رێکخستنکراو، گەنجانی هەدەپە لە هەموو بوارەکاندا بەردەوامی بە تێکۆشانی خۆیان بدەن."

' لە کوردستان مرۆڤ بێسەروشوێن نابێت ، بێسەروشوێنی دەکەن'

ئایشێ ئاجار باشاران-یش ئەوەی خستەڕوو کە ساڵی ڕابردوو بە سەدان ژن بە هۆی توندووتیژی پیاو گیانیان لەدەستدا و وتی، " دەسەڵاتداریش خۆی لە کوێری دەدات. گولیستان دۆکوو زیاتر لە ساڵێکە نادیارە. لەبەر ئەوەی کە ئێمە دەزانین لەم وڵاتە کەس ون نابێت ، بەڵکوو مرۆڤەکان بێسەروشوێن دەکەن. هێشتا دەسەڵات لە مەڕ چارەنووسی گولیستان دۆکوو هیچ وڵامێکی نەداوەتەوە. چاویشێک دەستدرێژی کردە سەرئیپەک ئیر، بە ڕۆژان بەدیل گیرا، هانیان دەدا کە خۆی بکوژێت و کردەوەکانی مووسا ئۆرهان لەلایەن بەرپرسێکی باڵای دەسەڵاتەوە پارێزرا و بە ئاسانی دەگەڕێت. ژنان کە لە دژی ئەمانە تێکۆشان دەکەن لەلایەن دەسە؛اتەوە دەکرێنە ئامانج."

' ئێمە بەلێنمان بەو ژنە کوژراوانە داوە'

دەرسیم داغ ئاماژەی بەوەدا کە بەسەدان سالە ژنان دەکوژرێن، دەستدرێژی دەکرێتە سەریان،یان بێسەروشوێن دەکرێن. ژنان بەردەوام لەدژی ئەمانە بەرخۆدان دەکات. داغ وتی، " ئێمە لەهەمبەر سیستەمی پیاوسالار سەردانانەوێنین. بۆ ژنانی کورد کە کوژراون، ئێمە ئەمسال کەمپەینێکمان دەستپێکردووە:' ئێمە ئیشتە هەستین، سەفەربەر ببین' بە هۆی ئەم کەپمەینەوە ئێمە خۆمان گەیاندە سەدان ژنی گەنج، ئێمە هزری پیاوسالاریمان ئیدانەکرد. پنارگولتەکین، گولیستان دۆکوو، ئیپەک ئیر و ژنانی وەک ئەوان بوونە ئامانجی هێرشەکان، کوژران، هۆکاری راپەڕینی ئێمەیە.  ئێمە جارێکی تر بەلێن دەدەین بەو ژنانە ، هەتا ئازادی ئێمە درێژە بە تێکۆشان بدەین."

ک-ش